Os nosos protagonistas son tres soldados do exército español que se van a atopar nas terras de Rif despois do Desastre Annual ocorrido o 21 de Julio de 1921. Son tres soldados que representan aos miles de mozos españois que foron arrincados dos seus fogares e aos miles de rifeños que se viron obrigados a loitar no lado español para ver mitigado a súa fame e a súa miseria.
Reino da extinción é unha comedia hilarante que conta a historia de catro persoas de diferentes épocas da Historia galega que, forzadas a convivir nun Alén moi distinto do que imaxinaban, poñen a proba a nosa idea do que significa ser galegos, vivir en Galicia e falar a nosa lingua. Que define a Galicia? Será a comida excelente, a dúbida constante ou… Quizais a xente? E que é ser galega ou galego? Como é posible que un personaxe da Prehistoria sexa tan galego coma un do Século das Luces? Foi Galicia o mesmo en tódolos momentos da súa Historia? Cando comezou e cando rematará Galicia?
“Esther, a protagonista de Rastros, é unha muller descaradamente libre. Seguramente anticipada ós tempos de hoxe. Acostuma a dicir o que pensa e facer o que sinte, sen prexuízos. Intentou evitalos pero sen éxito. É un dos personaxes femininos máis interesantes que produciu a dramaturxia galega, unha libertaria finisecular que tería topado o seu lugar nas manifestacións feministas de hoxe. Rastros pivota sobre a súa liberdade e, ó mesmo tempo, polas debilidades que a fan muller galega do seu tempo”.
"Quixote" é un xogo cómico inspirado na coñecida obra de Cervantes. Un espectáculo para achegar os clásicos a toda a familia con humor e case sen palabras, no que Don Quixote viaxa polas terras de Castela co seu velocípedo, acompañado do fiel Sancho e un triciclo cargado de maletas.
O segundo espectáculo de Pedras de cartón traballa, de esta volta, cunha estética achegada ás películas de pallasos de Fellini.
Inspirada en ‘A doutrina do shock’ de Naomi Klein. Como resultado da investigación teatral sobre un feito histórico, o do golpe de estado do General Pinochet sobre o goberno de Salvador Allende, nace Shock 1 El Cóndor y el Puma. Un teatro-documental onde se representa a historia, pero para coñecela desde a emoción.Representar a nosa historia é a vontade de nos coñecer. A nosa sociedade de hoxe é o resultado do que construímos ou destruímos onte.
A peste é unha versión teatral de Cándido Pazó, inspirada na obra de Albert Camus, coa que reflexionar sobre o comportamento da sociedade e dos individuos durante situacións de crises.A historia conta o que sucede na cidade de Orán, a través da narración do doutor Rieux, durante unha praga de peste. A cidade vese asediada e os seus habitantes sometidos a unha corentena.
O espectáculo Nova York nun poeta é aquel encontro de Lorca co público na Residencia de señoritas no que por primeira vez escoitáronse eses poemas, “carne miña, alegría miña, sentimento meu”.
Manar, é un nome árabe de muller que, dende o poderío da súa sonoridade, invítanos a penetrar na vida da protagonista, a través da interpretación das diferentes etapas vitáis e emocións da súa existencia, a través da poesía, da música e da danza, elementos que enfatízan a expresión das diferentes realidades polas que transita a nosa protagonista.
Romeo y Julieta de William Shakespeare, é para moitos unha obra perfecta, unha icona, e un clásico da literatura mundial.
É unha historia de amor que se coce na marmita do odio. Un odio que enfronta a familias, pobos, nacións ou ideoloxías, e que impide que prosperen os sentimentos máis puros entre dous mozos.
Cómo pode germinar o amor entre mozos de bandos opostos nesa ciénaga onde habita o rancor? Que poden facer eles para escapar dese pantano? As areas movedizas da traxedia téñenos atrapados e aínda que pretendan fuxir, o destino xoga coas cartas marcadas.
Oceanía é o testamento artístico e vital de Gerardo Vera.
É o último proxecto que pariu antes de que o coronavirus o levase prematuramente, e sen dúbida o máis ilusionante dos miles de traballos realizados ao longo do seu medio século de carreira en pantallas e escenarios.
