Amantis indaga en como as redes sociais, o selfie e o sexting inflúen na creación da propia identidade. Conta a historia de M., un adolescente de barrio obreiro que quere ser influencer. Nese camiño topará coas trampas dun universo intangible no que non todo é o que parece e no que el mesmo terá que descubrir quen é.
Unha compañía de teatro en decadencia ten que representar unha farsa malia que algúns dos seus compoñentes non concorden co disposto por Don Pirulí Polichinelo, xefe e director da pequena compañía. Finalmente imponse o criterio de Don Pirulí e represéntase a obra, que se desenvolve na Pousada do Axí e da Pementa, lugar onde se exerce a profesión máis antiga do mundo. Nela, o Xeneral Cataplum namórase de Colombina, pero estrala a guerra en París e o Xeneral parte para alá con promesas de voda á súa volta.
Lonxe dos teus abrazos é unha comedia romántica que nos mostra a dificultade dunha relación a distancia dun mozo e unha moza que soñan e queren ter unha vida adulta, pero que non finalizan de adaptarse ao que se lles prometeu cando eran nenos. Amelia é filósofa, traballa nun supermercado mentres prepara a oposición á profesora. Vive en Galicia e trata de curar unha depresión que non entende. Nil é economista, traballa nunha multinacional de Dublín desde hai 6 meses. Comparte un piso de mala morte do que está farto.
Anos 40 do pasado século. A españa en branco e negro. Historias que van debullándose tras as reixas dun cárcere de mulleres. Vidas ermas. Seres sen estrela.
H2..OH! É unha peza teatral baseada no libro do mesmo título de María Canosa.
Unha divulgadora científica e dous doutores de ciencias mundialmente coñecidos, Montsilia Brasilisca e Pepablov Pasparof, son os protagonista desta historia.
En 1888 August Strindberg estreaba Señorita Julia, hoxe as súas brutais palabras seguen resoando nos nosos oídos. Era o autor o misógino do que todos falan ou un feminista encuberto? Esta versión pon patas para arriba todo o que se escribiu sobre este texto, un dos máis polémicos da historia.
Unha comedia policiaca en dous actos; un so decorado e cinco personaxes; un asasinato no primeiro acto e puro terror no segundo; un desenlace irónico e inesperado; bo dialogo, ...
Sabes canto podería gañar un autor cunha obra así?. Entre 3 e 4 millóns de dólares, sen contar o merchandising. Se iso non é motivo para cometer un crime xa me dirás ti¡
Unha comedia de Angelo T. Malone
Elenco artístico: Juan J. Vázquez, Sara Zabalza e Inés Valiño
Sara odia a súa vida, ou polo menos a que chaman a súa vida real. Nesa vida real non lle vai nada ben: non ten case amigas e moito menos amigos, búrlanse do seu aspecto, non é brillante nos estudos, nin sequera mediocre. Sara ten a sensación de que podería desaparecer e ninguén se decataría. Pero Sara ten outra vida, na que xoga en liña con ducias de persoas, e ten éxito, e é imbatible nas loitas. Sara pasa cada vez máis tempo nesa vida virtual e menos na vida real. Deixa de falar, de comer, de durmir.
“Último verán en Santa Cristina”, conta o acontecido a un rapaz de 12 anos que, no ano 1960, pasa o seu último verán nunha praia preto da cidade na que vive. Moitos anos despois, cando xa é un home adulto recibe unhas cartas supostamente propiedade da súa nai xa morta e, na lectura destas cartas, rememora o acontecido aquel verán. Como ademais é fillo de militar, o rapaz vive especialmente os acontecementos da sociedade franquista da época: os desfiles na praza da cidade que coinciden coa estancia de Franco no Pazo de Meirás, a poucos quilómetros de onde el veranea.
Convídante ao fantástico castelo dun rei moi peculiar. Grazas ao criado do rei, o amable (e tenso) Jenkins, poderemos participar nun auténtico baile medieval.
