Presentación de Setras, de Berio Molina, coa presenza do autor, Berio Molina. Setras recibiu o Premio Especial do Xurado nos Puchi Awards 2017, proxecto internacional de Fulgencio Pimentel e La Casa Encendida que busca premiar as propostas de libro máis brillantes e anovadoras.
A obra pode definirse como un estudo sobre o son que emana do acto de escribir: un tratado sobre a acción sonora da caligrafía.
Na presentación estará acompañado por Darío Xohán Cabana e Fran Alonso.O libro poderase mercar no propio Clavicémbalo antes e despois do acto por cortesía da librería Trama.
Presentación do libro Cero en conducta de Andreas Roble Quebrado editado por Itálica
O violinista e escritor Simón Gallego Galvis, con tan só 14 anos, preséntanos o seu segundo libro, La ciudad de las moscas doradas, no que reflexiona sobre o ben e o mal.
Presenta o acto o alcalde de Santiago, Martiño Noriega Sánchez.
No salón de actos, a entrada é libre ata completar a capacidade da sala.
A biblioteca cede o espazo para esta actividade.
O xoves 30 de novembro, ás 20,15h, terá lugar no Espazo Cultural Portas Ártabras da Coruña a presentación de Alma e o mar, a nova novela de Francisco X. Fernández Naval.
Acompañando ao autor estará a editora Malores Villanueva, e haberá unha intervención musical a cargo da violoncellista Rediana Lukaçi.
Ao finalizar o acto, ofrecerase aos asistentes un petisco e un viño mencía de Teixeira, por xentileza da adega Alba Ponce.
O 22 de novembro, ás 12:00 horas, terá lugar no Museo do Mar de Galicia, en Vigo, a entrega do III Premio Literario Nortear para a mocidade escritora de Galicia e do Norte de Portugal, que recaeu na autora Cecilia Fernández Santomé.
Fernández Santomé gañou co relato 34, Rue Saint Jacques. En total foron 31 os traballos presentados, de autores e de autoras entre os 16 e os 36 anos de Galicia e do Norte de Portugal. O galardón está dotado con 2.000 euros
O Consello da Cultura Galega (CCG) presenta en rolda de prensa “A Máquina do Tempo”, unha app gratuíta, dispoñible para as principais plataformas móbiles que pon en valor o patrimonio moble de Galicia dun xeito innovador. A iniciativa dáse a coñecer co gallo do Día do Patrimonio Mundial, que se celebra o 16 de novembro.
Na presentación participan o presidente do CCG, Ramón Villares, e Manuel Gago, responsable da aplicación.
Arancha Moreno, xornalista especializada en música e directora do diario dixital Efe Eme, e o cantante Iván Ferreiro estarán en Cronopios Santiago para analizar o libro 30 canciones para el tiempo y la distancia. Nel, trinta das cancións da carreira de Iván Ferreiro serven de fío condutor para reconstruír a súa traxectoria, a súa vida e a súa obra.
O artista e investigador musical Eliseo Parra presenta o seu novo libro Nunca perseguí la gloria (Editorial Canela) acompañado do tamén músico Marcelo DoBode. Eliseo e Marcelo falarán do libro e tamén interpretarán algunha peza musical.
Nunca perseguí la gloria é a biografía do artista escrita por Rafael Alba (xornalista e músico) e nela aparece toda a súa traxectoria profesional por case todos os estilos musicais. O libro leva un CD de regalo que contén unha selección de 16 temas representativos da súa evolución musical.
Evento de presentación do libro-disco Maruxa Boga. Recordando a Galicia, publicado por aCentral Folque coa colaboración da Secretaría Xeral de Cultura.
