Presentación do poemario realizado polo fotógrafo coruñés Manuel Vilariño, Premio Nacional de Fotografía en 2007, e que está representado na colección permanente do Museo coa obra O paraíso fragmentado.
O acto contará coa presencia de:
Manuel Vilariño, fotógrafo e autor do libro
Julio Mourenza, pianista
Ignacio Castro, filósofo, escritor e crítico de arte
O mércores 20 de xuño, ás 19:00h, terá lugar na A.C. Alexandre Bóveda da Coruña a presentación de O morto asasinado e outros contos de María do Carme Kruckenberg. Intervirán no acto a editora dos textos, Mercedes Queixas Zas, e Francisco Castro, director xeral da Editorial Galaxia.
A deseñadora e ilustradora coruñesa Bea Lema presenta na Libraría NUMAX O Corpo de Cristo, novela gráfica gañadora do XII Premio Castelao da Deputación da Coruña. No acto, que terá lugar o mércores 20 de xuño ás 19:00, Lema estará acompañada pola responsable da área de Cultura da Deputación, Goretti Sanmartín.
O Corpo de Cristo é a primeira novela gráfica de Bea Lema, un cómic autobiográfico que trata a enfermidade mental desde a perspectiva dunha nena.
O venres 15 de xuño, ás 20:00h, terá lugar na libraría Biblos de Betanzos a presentación de O segredo da vella libraría de Xabier López López. Acompañando ao autor estará o ilustrador do libro, Xosé Tomás, e a editora Malores Villanueva.
O escritor carballiñés Pablo Nogueira presenta o seu libro infantil Nube Branca quere ser astronauta, sobre unha nena india que devece por ver as estrelas de preto e coñecer a lúa e os planetas do sistema solar.
A Libraría NUMAX acolle a presentación do libro Marcas na paisaxe. Para unha historia do cinema en lingua galega, editado polo Grupo de Estudos Audiovisuais e a Editorial Galaxia baixo a coordinación de Margarita Ledo Andión. A cita é o martes 12 de xuño ás 20:00.
O Arquivo Histórico Provincial de Lugo celebra o Día Internacional dos Arquivos 2018 coa presentación dun novo exemplar da serie Documentos singulares.
Nesta ocasión escollen unha escritura notarial que versa sobre un tema moi interesante: o corso e os corsarios na Mariña Lucense no século XVIII. A continuación José Mª Leal Bóveda dará unha conferencia titulada Corso, pestes e ingleses na Mariña Cantábrica.
Su Garrido presenta o seu novo disco en solitario, Quedo a vivir aquí, 11 cancións que son unha viaxe por distintos lugares e xéneros, desde a bossa nova das fotos de familia da súa infancia ata a música tradicional de su aldea, versiona poemas de autoras como Iolanda Zúñiga, Ana Romaní e Xohana Torres, e canta tamén as súas propias historias. Su tocará algún tema en directo para abrir boca ao evento.
O 7 de xuño de 2018 cúmprense 50 anos do asasinato do garda civil José Antonio Pardines Arcay, primeira vítima da banda terrorista ETA, na localidade guispuscoana de Aduna. O axente tiña 25 anos e era orixinario de Malpica de Bergantiños, onde está soterrado.
Setras é un libro de Berio Molina publicado pola Editorial Fulgencio Pimentel e La Casa Encendida coa colaboración da Fundación Mayeusis. É un estudo sobre a acción sonora na caligrafía desde os puntos de vista da subxectividade, a física, a arte de acción e o absurdo. É un percorrido polo alfabeto (subxectivo) galego analizando cada unha das setras desde dúas perspectivas: a taxonomía e a estética.
