En Futuro animal, a idea de fábula como xénero de ficción serve de punto de partida para construír un (auto)retrato das características universais da natureza humana, cos seus vicios e os seus costumes. Así, a potencia social, discursiva e poética do circo contemporáneo ponse ao servizo dunha visión distópica do futuro, no que os seres humanos están transformando voluntariamente os seus corpos nos de animais.
Rogelio leva pechado na súa casa 20 anos. No instituto facíanlle Bullying. Despois de ler a Paulo Coelho e seguir unha terapia de 12 pasos, está no último chanzo. Paso número 12: facer en público o que máis lle gusta, a maxia. Se hoxe sae todo ben, danlle o alta médica. Iso so se cura coa axuda do público.
Un espectáculo de clown dende un pallaso que non ten moito filtro e que precisa do público como un elemento máis do espectáculo.
Maxia, escapismo, clown e moitas sorpresas máis.
De onde vimos? A onde imos? Por qué estamos aquí? Cómo a terra, algo tan insignificante na inmensidade do universo se converteu nun planeta cambiante, enxendrando no seu seno un fenómeno único, a diversidade da vida?
O circo, a danza e o teatro serán o lenzo para debuxar a historia da humanidade sobre o noso planeta, a sua violenta infancia no espazo, unha madurez viva e relativamente equilibrada, o seu porvir incerto. Tres actos dunha aventura axitada que podería transformarse en traxedia a menos que aprendamos a facernos cargo do seu destino.
Riscando o ceo lévanos a un mundo onde o circo aparece en forma de humor, maxia, risco, malabar, acrobacias, e equilibrios imposibles. Un ton absurdo e reflexivo que fai que nos reformulemos o esencial das cousas. Inspirado no incrible mundo d'O Principiño, Riscando o ceo é un espectáculo próximo e moi visual que fai que o público viaxe no risco e no humor. Un espectáculo de circo que emocionará a todos os públicos a través dun clown que fará ver as cousas do revés... porque "o esencial é invisible aos ollos.
Letriska Inmobile combina disciplinas de novo circo, como malabares, pallaso ou equilibrios, xunto a excentricidades e xogos co público. O protagonista busca sorprender a todos realizando proezas como malabares incribles, memorizar centos de nomes, darlles novos usos a obxectos cotiáns, pelexar co público ou converter a un neno nun grande artista de circo. O espectáculo reúne habilidade, perspicacia, velocidade mental e, sobre todo, tolería.
Pierrot e Marcel teñen corpos de soño, corpos de estrelas. Musculosos, elegantes, hábiles, multifacéticos e moi conscientes de tódalas súas incribles calidades lánzanse nunha gran demostración dos seus talentos. E sabe Dios que teñen moitos!
Talento en estado puro, o mellor da acrobacia, a esencia do mimo, o culmen da danza; resumindo, a poesía bruta dos anos gloriosos do music-hall. Unha hora de risas, sen palabras e sen parada. Un dos espectáculos máis divertidos dos últimos anos.
Trátase dun espectáculo de aéreos con Rossina Castelli e Abraham Pavón como protagonistas, que achegan unha nova proposta de acrobacias aéreas con impresionantes rutinas de trapecio, escada e verticais. Todo isto sen esquecer o humor e o clown, que acompañan a espectacularidade dos números da troupe de Kanbahiota. Un espectáculo de acrobacias aéreas para toda a familia realmente orixinal e novidoso; cunha coidada estética na posta en escena, Kanbahiota volven anovar o panorama dos aéreos en España despois do seu traballo en Francia e Bélxica na creación dos números de La Coquette.
O Festival Internacional de Clown de Festiclown leva desde o 2001 desenvolvéndose en varias cidades, ao comezo de Galicia, pouco a pouco do mundo enteiro. Das primeiras edicións, en Compostela e despois en Vigo, até os actuais Festiclown 2.0 Multisede, que se espallan por varios continentes. No 2016 tiveron lugar o Festiclown en Galicia, en Vilagarcía por segundo ano, en Melilla, e por primeira vez en Cataluña, dentro do Festival Esperanzah! Ao tempo, desenvolvíase en varias comunidades do Brasil o Festiclown pela Terra.
Tres personaxes buscan a solución aos seus defectos nunha botica abandonada no medio da rúa. Mesturando diferentes substancias xerarán situacións disparatadas e cheas de destrezas circenses, que lles farán darse conta de que ás veces o que un pensa que son defectos en realidade poden ser virtudes. Un espectáculo que combina a actuación coas acrobacias máis asombrosas para divertir aos máis mozos e sorprender aos máis grandes.
Tras vinte anos de espectáculos por todo o mundo, nesta produción, o showman Javi Javichy busca a risa en todo momento, utilizando os gags máis clásicos combinando rutinas de circo con pratos de porcelana, chapeus, caixas de puros, e acabando cun arriscado numero de rulo americano que non deixará indiferente a nenos e nenas nin a maiores.
