Mestura Máxica é unha proposta de diferentes tipos de maxia deseñado e pensado para levar diferentes tipos de espectáculos a diferentes lugares do concello como poden ser auditorios, casas da cultura, bibliotecas, colexios ou incluso prazas e rúas.
Un total de catro actividades compoñen esta mestura que encherá de maxia a vila.
Os máis pequenos non son os únicos que gozan coa maxia. Aos adultos tamén os fascinan os espectáculos desta disciplina. Sara Rodríguez e Xulio Merino son os protagonistas deste espectáculo de maxia para adultos.
Entradas: 5 euros
Un espectáculo de maxia para nenos: iso é o que levan ao café Sifón Sara Rodríguez e Xulio Merino.
A capacidade da sala está limitada a 50 nenos, polo que se recomenda chamar para facer reserva. Os prezos das entradas son de 3 euros por neno e 2 euros por adulto.
Yunke é un dos grandes ilusionistas do noso tempo. A súa maxia está chea de misterio, beleza e risco, e as súas ilusións son sobrecolledoras e hipnóticas. Yunke levou a súa maxia aos cinco continentes e participa en programas de televisión por todo o mundo. A súa grandeza no escenario vai moito máis aló dos premios recibidos ao longo de toda a súa carreira, a súa filosofía de traballo e a súa forma de entender a maxia é totalmente singular.
O mago galego Pedro Volta destaca por ser innovador e ter unha habilidade especial para contar historias.
Ademais, o seu espectáculo sempre está composto por números que che deixarán coa boca aberta.
Este show está dirixido a nenos e maiores.
Espectáculo de maxia de mediano formato deseñado para se representar nos sitios máis variados...Ilusións con obxectos prestados, material ordinario, coma cordas, perchas, panos de papel e mesmo co propio corpo do mago. Maxia visual para toda a familia que arrinca un sorriso ao público e que demostra que todo é posible durante o show.
Elenco: Dani García
Dirección: Fran Rei
Xéneros: maxia cómica
Duración: 60 minutos
Público: Público Familiar
Tipo espectáculo: Maxia
Espectáculo de maxia de mediano formato deseñado para se representar nos sitios máis variados... Ilusións con obxectos prestados, material ordinario, coma cordas, perchas, panos de papel e mesmo co propio corpo do mago. Maxia visual para toda a familia que arrinca un sorriso ao público e que demostra que todo é posible durante o show.
Mandarina preséntanos o paxaro Rigoberto, amigo inseparable da protagonista e secundario de luxo, un deses roubaplanos que nos entenrece malia ser un chisco atravesado. Improvisación, humor e maxia son as claves deste espectáculo no que coñecemos a vertente máis fantástica de Mandarina, unha personaxe moi potente, capaz de mesturar a ironía do mago co despiste para trasladar o público a lugares que serían inalcanzables sen o poder da fantasía. Con este espectáculo, Mundomandarina obtivo o Premio do Público no Festiclown 2015, en Vilagarcía.
Espectáculo de maxia a cargo de Leo Leíño, especial polo Nadal.
Dicía Eduardo Galeano que estamos feitos de historias. Todo o que hai de certo nesa frase, convértese en verdade neste espectáculo.
Un ilusionista non o é tan só pola maxia que mostra encima dun escenario, senón por todo canto aprende polo camiño que o leva ata el. Historias dun Ilusionista é unha seleccion de xogos que marcaron ao Mago Rafa e que agora él achega ao público.
