Maxia

Un espectáculo para todas as idades onde o principal obxectivo é sorprendernos coa ciencia de maneira didáctica e divertida.

Ilusión risas e libros nun espectáculo que promete diversión para toda a familia. Coa participación dos pequenos e pequenas que queiran ser axudantes da maga Leo Leiño para pasalo moi moi ben.

Para nenos e nenas de a partir de 6 anos.

Actividade do programa Ler conta moito, da Rede de Bibliotecas de Galicia.

Unha viaxe ao fascinante mundo da ciencia desde a perspectiva dun mago do século XXI. Embárcate nesta experiencia ilusionante onde non saberás onde acaba a ciencia e comeza a maxia.

Aberto ao público familiar no salón de actos.

Duración: 45 minutos.

Velaquí a historia de como se coñeceron os pais de Mandarina, unha mirada ao ridícula que pode chegar a ser unha persoa namorada. Mandarina enfúndase no traxe e na pel de dúas personaxes diferentes e preséntanos unha comedia universal na que a tenrura, o humor e o absurdo combínanse para nos emocionar.

Duración: 65 minutos

Actividade para pasar unha hora inesquecible de maxia para o gozo, a risa e a emoción.

A partir de tres anos.

Lembrade recoller a vosa invitación a partires do 2 de outubro para acudir: Máis información 

Toni Bright é un mentalista e mago que leva toda a súa vida dedicándose ao mundo da maxia. Colaborou en numerosas ocasións en programas televisivos mostrando as súas habilidades.

Nesta ocasión trae un show chamado "No te creas la verdad", no que os asistentes gozarán de diferentes trucos descoñecidos ata entón. O espectáculo está enfocado a todos os públicos, por tanto é unha oportunidade para asistir con toda a familia.

Actividade de dinamización da lectura a través da maxia mediante historias, contos e xogos. O Mago Paco é unha personaxe moi peculiar que non para de argallar novas maxias para os nenos e nenas. Desta volta mestura a risa como elemento principal para sorprender coas suas historias cheas de maxia.

Espectáculo de maxia para o programa de Ler conta moito, da Rede de Bibliotecas de Galicia.

Nenos e nenas: De 3 a 12 anos

Un espectáculo máxico e literario, cargado de ilusións sustentadas na narrativa, ensaio e as sorpresas da vida e a obra de Carlos Casares. Desde o Vento ferido ata O sol do verán, pasando por As laranxas máis laranxas de tódalas laranxas, xérase unha trama tecida na arte do encantamento das palabras de Carlos Casares.

Espectáculo de maxia para o programa de Ler conta moito, da Rede de Bibliotecas de Galicia.

A partir de 6 anos.

O famoso mago, Jorge Blass, vén a Galicia a demostrar os seus dotes como ilusionista. Ten unha gran traxectoria xa que leva moitos anos dedicando a súa vida á maxia.

No ano 2015 véndelle un dos seus trucos ao mago máis coñecido no mundo, David Copperfield, e por iso demostra que ten unhas habilidades inigualables no panorama nacional.

Na actuación fará diferentes trucos, entre os que veremos desaparicións, levitacións e espectáculos co público nunca vistos.

No seu último espectáculo, Martín Varela realiza unha viaxe a través da arte da maxia baixo a súa propia experiencia, botando unha ollada ao pasado.Recóllese como se aficionou a esra arte, as súas primeiras probas e ensaios e chega ata a súa vidión de hoxe en día.