Espectáculo de maxia, humor, participación...e tamén, uns feixes de ilusións.
Unha morea de sorpresas, cachifallos e chilindradas nun espectáculo máis sorprendente que atopar unha máquina expendedora de chocos.
Trangalladas ben feitas, nun espectáculo dun ilusionista do montón...mais, do montón bó.
Volvemos do confinamento con máis ilusión que nunca. Na soidade do seu local de ensaio, Rafa, pasou 80 días encerrado desenvolvendo un espectáculo para a volta á "Nova Normalidade", pero...."Nada é Normal".
Gran espectáculo de maxia e humor.
Un espectáculo de maxia moi participativo, colorido e divertido.
Combinando numerosas técnicas circenses e teatrais, demostrando que a prestidixitación, os malabares, o humor, a música e a poesía crean por se mesmos un espazo de comunicación xenuíno entre mago e público.
QUE CURIOSO, un espectáculo para soñar!
O Camiño do Afiador xira ao redor dunha roda de afiar dos anos 30, herdada polo Mago Teto dos seus devanceiros. O afiador desprazábase centos ou milleiros de quilómetros coa única compaña da súa roda dando lugar a miles de historias e aventuras doutros tempos que o mago pon en escena coa axuda do ilusionismo.
O proxecto está desenvolto polo coñecido Mago Teto, que persegue con el tres obxectivos básicos:
Un espectáculo contado a través do Camiño, dos Camiños de Santiago polos que os afiadores saían de Galicia para afiar e espallar a cultura galega polo mundo.
Un espectáculo que xira ao redor dunha roda de afiar dos anos trinta, nun show que nos amosa como os afiadores percorrían as rutas dos Camiños de Santiago nun continúo ida e volta e coas máis sorprendentes historias..
O afiador desprazábase centos ou milleiros de quilómetros coa única compaña da súa roda. Miles de historias e aventuras doutros tempos chegan á escena coa axuda do ilusionismo.
Hipnosis, adiviños, precognición, psicoquinesis, clarividencia, tarot,....
Déixache atrapar por un espectáculo que che fará dubidar de todo o que crías: pódese ler a mente, podemos influír nos actos doutras persoas simplemente coa nosa voz, pódese predicir o futuro?
Este espectáculo dará resposta a todas as túas preguntas ou.. poida que non, quizais saias do show con máis dúbidas e preguntas que coas que entraches.
Gadalka, a maxia destrás do cristal é un espectáculo de proximidade para un momento de grandes distancias. Esta micro-obra de maxia está pensada para o desfrute das familias, na intimidade.
A acción céntrase nunha pequena caseta de feira, á que pequenos grupos familiares poden achegarse para vivir unha experiencia máxica a poucos centímetros. Esta caseta, de menos dun metro cadra-
do, agocha tras o seu cristal ao mentalista Gadalka, unha personaxe peculiar.
Benvidos e benvidas ó lugar de transformación dos procesos imaxinativos: á “Fábrica de Feitizos”.
Unha viaxe fabulosa a través dos sentidos, das situacións inesperadas, do humor e da participación do público, apoiada en todo tipo de trebellos para narrar as surrealistas aventuras e desventuras dunha ilusionista.
Ilusións cargadas de momentos imprevisíbeis, nun espectáculo para experimentar sensacións fascinantes.
Despois de máis de 20 anos realizando actuacións por diferentes escenarios e prazas, chegou o momento de agradecer a enorme felicidade que sentimos cada vez que actuamos. A nosa mellor tarxeta de presentación son os centos de clientes satisfeitos, as miles de actuacións realizadas, o boca a boca e a profesionalidade que caracteriza á nosa compañía. Paixón, dedicación, proximidade e por suposto, un traballo por tentar ser sempre un pouco mellor son os alicerces nos que nos baseamos desde que comezou a nosa aventura no marabilloso mundo do espectáculo.
