Un día diferente no cal todo pode ser suceder. Un día para facer voar a imaxinación e ver que o imposible pode pasar. Un día cheo de aparicións, desaparicións, ilusións ópticas, e predicións, na que o público participa de maneira activa.
Duración: 45 minutos.
Idade: de 4 anos en adiante.
REserva de praza na biblioteca ou no teléfono 886 120 445.
Cal é o mellor truco de maxia do mundo? Que fascinantes segredos gardan os ilusionistas doutros países? Estas son as preguntas que intentará responder o atoleirado mago Charles Munro nunha viaxe arredor do mundo para descubrir novas formas de facer maxia e a importancia de coñecer e valorar outras culturas. Un espectáculo completamente en inglés no que o público empregará o idioma de xeito natural e lúdico. Adaptado ás idades e ao seu nivel para asegurar unha experiencia máxica, divertida e educativa.
Maxia de aquí e de acolá é o resultado dunha mestura entre maxia, comedia e improvisación, onde a participación do público está presente en todo momento. Unha escenificación máxica versátil e áxil que transmite habilidade e enxeño usando elementos cotiáns e tradicionais que poden emerxer da nada, desaparecer, levitar ou cambiar de aparencia.
No salón de actos. Para público familiar. A entrada é libre ata completar a capacidade da sala.
Meigo Paco é Fran Otero; dedícase á maxia case por casualidade, xa que o seu traballo como animador infantil levoulle a empregar o recurso da maxia, un mundo que lle apaixona. Desde ese momento, esa arte escénica xunto co teatro dirixiron a súa traxectoria laboral e artística, formándose con algúns dos mellores mestres en distintas artes escénicas como teatro, maxia cómica, clown, monicreques, expresión corporal e maxia infantil. Así, logrou converterse no profesional da maxia infantil que son a día de hoxe.
O Mago Teto é un dos magos máis veteranos e relevantes a pesar da súa mocidade. Habitual na televisión desde os seus comezos, goza de gran popularidade e recoñecemento. Ademais, falamos dun mago con espectáculos de rúa (como O Afiador) ou de gran formato para teatros (A Maxia da Santa Compaña) e todoterreos como o os seus clásicos Tolemaxias e Perto de Ti. Teto é un dos perfís máis completos e orixinais da maxia polo seu humor, personalidade e nivel técnico.
Román García é un coñecido, premiado e innovador ilusionista galego orixinario da Coruña. Licenciado en Ciencias Económicas e Empresariais, Román une no seu espectáculo arte e ciencia, comedia e drama, imaxinación e realidade. Ofrece espectáculos cun estilo propio, fresco e desenfadado.
É membro da Sociedade Coruñesa de Ilusionismo e da Asociación de Magos Profesionais de Galicia. As súas creacións máxicas foron presentadas e premiadas en numerosos congresos nacionais e internacionais de ilusionismo, o que lle valeu o recoñecemento de magos de todo o mundo.
O Mago Deimi é un artista ourensán. Realiza unha maxia moi dinámica e espectacular. O seu show ten unha gran variedade de interaccións co público asistente con chiscarillos de humor e simpatía. Sempre ofrece un espectáculo moi rechamante e divertido combinando diferentes técnicas de maxia como son a cartomagia, o mentalismo, o escapismo e a prestidigitación.
Meigo Marco é un novo artista cunha ampla experiencia no mundo da animación e o espectáculo. Ademais este Ilusionista proveniene dunha familia cunha forte tradición artística. Desde moi novo demostrou moito interese nas Artes Escénicas, especialmente no teatro e na maxia, pero foi nesta última onde realmente destacou.
A Asociación Cultural O Galo e a Coral Solfa organizan unha visita guiada á exposición Laxeiro en América guiada por Xavier P. Bujan, director da Fundación Laxeiro.Nesta mostra poderemos ollar a obra do pintor de Lalín que nunca se exhibiu na península Ibérica pois foi realizada durante a súa longa estadía en Bos Aires, explicada ademais por un dos expertos que mellor a coñecen, o director da propia Fundación Laxeiro, que tamén contestará as preguntas dos asistentes.
Ven e descubrirás cantos segredos esconde a nosa biblioteca, un espazo para desconectar do mundo e viaxar coa imaxinación para gozar de aventuras e descubrir novas realidades.
Un espazo cheo de maxia que dorme escondida nas palabras e imaxes, na música e no cinema que gardan os nosos estantes, e polas persoas que os len, escoitan ou ven, descubrindo algo novo cada día.
David Méndez fai visible esta maxia, mediante unha escenificación máxica versátil, unida á inestimable participación do público presente.
Duración: 45 min.
Entrada libre.
