Yunke volve creando un espectáculo onde o espectador é o centro das súas ilusións. Viaxaremos ata cuestionarnos a realidade, estremecerémonos con impactantes imaxes, lembraremos cando eramos nenos, mentres nos emocionamos experimentando sensacións inimaxinables.
Yunke deu a volta ao mundo, creou espectáculos dun éxito sen precedentes, converteu a maxia nunha paixón para volver aos seus comezos e completar o círculo. Onde o protagonista es ti. Yunke volveu á ORIXE.
Un día diferente no cal todo pode ser suceder. Un día para facer voar a imaxinación e ver que o imposible pode pasar. Un día cheo de aparicións, desaparicións, ilusións ópticas, e predicións, na que o público participa de maneira activa.
Público familiar (a partir de 4 anos)
Duración 45 minutos
Salón de actos (ata completar aforo)
Acabado de chegar dalgún lugar afastado, doutro tempo ou doutro modo de facer, e perdido no presente, no eiquí, no agora, está o noso viaxeiro protagonista, o noso coleccionista de linguas. Non hai imposibles que se resistan a unha persoa enxeñosa, pois unha simple idea en mans de quen non se rende pode cambiar o mundo. TIN é un espectáculo de rúa, pensado para que persoas de calquera idade poidan participar e gozar. Unha hora de maxia inventiva e persoal na que seguro os aplausos estarán acompañados das risas e as bocas abertas.
Aakarsshak: encantador en hindi. Benvidos As mil e unha paiasadas encantadas. Unha viaxe ao mito dos encantamentos. Realidade ou fantasía? Un espectáculo onde o incrible faise crible e o incrible impresionantemente divertido. O gran Aakarsshak mostrará as tres fases de encantador: "o interior", "o exteror" e "o todo". Todo é posible no imposible mundo do Akarsshak: flotar sobre globos, levitar sobre ovos, corda hindú, pisar clavos, escapismos imposibles, encantamentos musicais e moito máis.
O sábado 21 de xaneiro, ás 18 h, celebraremos a edición XIII da Gala de Maxia solidaria ?Terra de Maxia no auditorio do Forum Metropolitano da Coruña e na que participarán grandes meigos como Román García, Joshua Kenneth, Kiko Pastur, Meigo Rebo, Meigo Rufus. A gala presentaraa a xornalista Ana Villagrasa.
Todos eles únense un ano máis e poñen a súa maxia a beneficio do "PROGRAMA DE SAÚDE VIAXE CARA Á VIDA" que leva a cabo a Fundación Terra de Homes en Galicia.
Emitirase un vídeo do proxecto a cuxo fin se destinan os fondos que se recaden.
Despois do éxito de Pablo Superstar A historia máis grande xamais contada chega Pablo Superstar Cool. Pablo ofreceranos unha lección maxistral de como debe comportarse un "superstar" no escenario, creando situacións tan absurdas como divertidas e interactuando co público. Desta vez enfrontámonos a clases de cociña, amores imposibles, mascotas descaradas e até situacións de escapismo irrealizables. Este espectáculo busca as risas do público a base de crear situacións que só se poden asimilar cun nariz vermello no corazón.
Magia en la Manga presenta A igualdade non ten truco, un espectáculo que procura promover a igualdade de xénero a través da arte do ilusionismo e das vivencias das mulleres ilusionistas. Este espectáculo xa foi representado en numerosos centros de Educación Primaria e Secundaria de toda Galicia, cunha moi boa acollida tanto das alumnas e alumnos como do equipo docente.
O Galiverso empeza aquí é unha iniciativa da Xunta de Galicia que emprega as tecnoloxías inmersivas e de realidade virtual co obxectivo de amosar o noso patrimonio material e inmaterial (artístico, industrial, arquitectónico, natural, etc.) dun xeito diferente.
Héctor Sansegundo preséntanos un show de maxia trepidante, que fará que non poidas levantarche do asento. Un espectáculo delirante e divertido coa maxia máis impactante e o humor máis distinguido. Os
efectos de maxia máis grandes únense á comedia máis desatinada nun gran formato para teatro.
Unha mestura de humor, maxia participativa e a rama máis grande do Ilusionismo: as Grandes Ilusións nun show ideado durante anos e materializado en multitude de actuacións con absoluto éxito: improvisación, humor, innovación e maxia que xa sorprendeu a miles de espectadores.
Os mellores meigos do mundo veñen a Ourense este Nadal para actuar nun espectáculo que che deixará coa boca aberta e con ganas de máis e máis maxia!!
Catro meigos de talla internacional, presentados polo cómico e actor Luís Larrodera, farán as delicias de nenos e adultos este 17 de decembro no auditorio municipal.
David Diaz, posuidor de diversos premios internacionais en Francia, España e Portugal e finalista de Pura Maxia en Televisión Española.
