Maxia

Mil maxias máis é un espectáculo de maxia  dirixido ao público familiar para poñer en valor a nosa lingua utilizando xogos orixinais creados polo mago Antón coa finalidade de facer que os espectadores lembren a importancia que ten a palabra en galego. Os espectadores verán aparecer por arte de maxia e con todo o seu valor simbólico: landras, amorodos, lóstregos, bolboretas e moitas, moitas vasoiras para que todos e todas poidamos voar coa maxia do mago Antón e a da nosa lingua.

Despois de 29 anos percorrendo os camiños do mundo, o mago Teto presenta o seu espectáculo máis persoal.

Maxia enfocada directamente a mente dos públicos, xogos con pequenos elementos, como libros, naipes,papeis.., a veces, simplemente palabras, e outras veces as nosas propias sombras, farán que o espectador  atravese o espello do mundo real o mundo da fantasía , tal cal Alicia, e sinta unha serie de emocións únicas e irrepetibles.

A Maxia é unha arte que non se aprecia a primeira ollada. Outras artes materialízanse en pinturas, esculturas... pero a maxia prodúcese na mente de cada espectador, é unha arte baseada na experiencia que vivimos, xerando unha ilusión que perdura no tempo.

EXPERIENCIAS é un espectáculo que mestura o mundo do real e o dos soños. Grazas á proximidade que establezo co público desde o primeiro minuto créase un clima distendido e emotivo no que miles de sensacións e emocións flúen en todos os sentidos, fácendote vivir, en cada xogo, unha auténtica experiencia.

Catro Magos Galegos, un de cada provincia. Catro estilos diferentes, A espectacularidade de Dani Polo, a experiencia do Mago Teto, a elegancia do Mago Rafa e a loucura máxica do Mago Paco fusionanse nun so espectáculo para desfrute de toda a familia. O máis grande espectáculo de Maxia que podes desfrutar hoxe en Gaicia a cargo destes catro Ilusionistas. A Coruña, Lugo, Ourense e Pontevedra representadas por Arte de Maxia.

“EUFORIA” é o espectáculo de gran formato de Dani Polo, xoven mago galego, finalista do programa “Pura Magia” de TVE e premiado en diferentes puntos de Europa.

Presenta un espectáculo único, cun ritmo trepidante onde todo, absolutamente todo, é posible, dende persoas que aparecen ou se cortan pola metade ata espectadores que conseguen voar. O humor, a participación do público e sobre todo a maxia máis espectacular son as claves da proposta. Unha iluminación coidada, unha posta en escena impecable con grandes aparatos e efectos pirotécnicos farán que non poidas nin pestanexar.

Sobre o escenario sucederán efectos imposibles e visualmente espectaculares. Aparicións, desaparicións, levitacións imposibles e maxia interactiva na que o público é o protagonista. Todo iso envolto nun halo de misterio e unha coidada estética que consegue que volvamos ilusionarnos e soñar o imposible.

Joshua Kenneth Illusionist nace no ano 1995 na cidade da Coruña. O interese pola maxia deste mozo inglés-coruñés, comeza no 2006, no espectáculo Armas baixo control do Mago Antón. Estuda na 1ª promoción da única universidade de ilusionismo do mundo, en San Lorenzo del Escorial. Ademais, complementa a súa formación, establecendo contactos con magos galegos, nacionais e internacionais. Participou en diversas actividades organizadas por centros públicos e privados, facendo aparicións en televisión galega e nacional, achegando a súa visión da vida a través da arte do imposible.

“Novas Aventuras Fantásticas” é un espectáculo de maxia, humor e participación do público, que percorre todo o espectro óptico dos procesos imaxinativos.

A través dos sentidos viaxaremos nun espectáculo con sorpresas apoiadas     en todo tipo de trebellos, adobado todo cun guión cargado de intres inesperados e imprevisíbeis.​

Espectáculo para experimentar sensacións fascinantes, cheo de gargalladas, colaboración da concorrencia, moita luz e claridade.

​

Parece Mentira é un espectaculo sorprendente e divertido, onde a maxia e o humor son os principais ingredientes.

O publico participa activamente nesta obra familiar onde nenos e maiores interactuan co mago e en ningun momento deixan de sorprenderse, nun espectaculo vibrante e cheo de forza.

Este show supón unha viaxe a través da imaxinación e o disparate co propósito de entreter e asombrar ao espectador, a quen Jose Rivera fai navegar entre a ilusión e a comedia, mesturando hábilmente o humor mais desternillante cos números de maxia.

Trátase dun evento de maxia divertida para nenos e nenas a partires do 3 anos de idade cunha duración aproximada duns 50 minutos onde o Mago Paco preséntanos unha morea de contos e historias a través de xogos e da maxia, que levará a nen@s e maiores a descubrir a “maxia divertida” que agochan os contos.

Desta volta, este peculiar personaxe, argallou novas maxias engadindo a risa como elemento principal para sorprender o seu público. Unha proposta pouco convencional para
traballar os contos, pero moi, moi divertida!!