Posiblemente sexa a exposición máis ambiciosa que fixese ata a data. Quixen homenaxear dalgunha maneira a todos os nosos maiores, tan importantes nas nosas vidas e que moitos se foron antes de tempo polas circunstancias que vivimos nos últimos meses. Figuras a tamaño real, anónimas, nas que calquera de nós poderemos atopar referencias. Completo a mostra con algúns dos traballos que realicei este último ano.
Artista multidisciplinar, realizo os meus estudos na Escola de Artes Aplicadas P. Picasso da Coruña. Dentro da miña traxectoria profesional e artística desenvolvinme en distintas disciplinas creativas , participando en diferentes exposicións tanto de maneira individual como colectiva.
Achégase a hora de voltar a clase. Na biblioteca tamén nos preparamos para acompañarvos neste novo curso cunha selección de libros nos que atoparedes unha chea de historias divertidas sobre o cole. Agardamos que vos guste!
A mostra estará dispoñible na sala infantil durante o horario de apertura da biblioteca
A biblioteca cede o espazo para a realización desta exposición organizada pola Asociación de Migrantes de Galicia, AMIGA. “Terra” é un proxecto que pretende poñer rostros á experiencia migratoria. Dende a humanidade e a esperanza, as miradas dos outros interrógannos e transmiten emocións e sentimentos que revelan as súas historias de vida que son, ao mesmo tempo, parte da nosa propia historia.
“Viñetas desde o Atlántico” celébrase anualmente no mes de agosto na Coruña desde o ano 1998 e é un referente no sido do cómic e a banda diseñada a nivel internacional.
O amplísimo conxunto de exposicións, artistas invitados, e charlas e conferencias pretenden dar unha visión o máis ampla posible do mundo do cómic a nivel internacional.
Mostra táctil, dentro do programa de Cultura Accesible e Inclusiva da Fundación Emalcsa e o Concello da Coruña.
O proxecto artístico foi desenvolvido pola Asociación Poten100mos xunto con seis entidades sociais, co obxectivo de promover a atención á diversidade
Enmarcada no Proxecto Nortear
Noroeste cuarta Oeste: roteiros de ficción é unha singradura a través de temas e obras literarias, cinematográficas, televisivas ou escénicas da nosa contemporaneidade. En modo de navegación polo Atlántico percorremos a ficción galega en diálogo coa do Norte de Portugal.
No 1º andar da Biblioteca temos unha nova bibliográfica onde podedes profundizar no mundo dos xogos olímpicos e os deportes, libros, películas ... non deixedes de vir a vela!
A biblioteca cede o espazo para a realización da exposición “Contos de Lareira e Ultramar” de Ana Lombao quen, a través das súas ilustracións a lapis de cores e grafito, achéganos ao mundo dos contos tradicionais, das lendas e da mitoloxía como explicación daquilo que non se pode asir, nin controlar, como lugar de encontro natural entre o ser humano e o misterio.
Vencellado aos movementos artísticos galegos de finais dos 70 e principios do 80 do século XX, Jose Luis Álvarez Seara, (Arcade, Pontevedra, 1957), conta cunha longa e afianzada traxectoria artística. É un artista polifacético que ten traballado como debuxante, gravador, cartelista, deseñador de portadas de discos e nas artes escénicas e audiovisuais. Con todo é máis coñecido como pintor e os seus cadros viaxaron por diversos países e formar parte dalgunhas das máis importantes coleccións en Galicia.
