Exposición

Organizada por Igaciencia e patrocinada pola Secretaría Xeral de Política Lingüística,  Arte e Ciencia ilustra e profunda no diálogo entre ambas as realidades a través de obras e de autores representativos de diferentes movementos ao longo do empo, iniciando a viaxe na arte castrexa e rematándoa na arte dixital 3D.

O aspecto máis destacado da exposición, tanto polo interese que posúe en si mesmo como por ser unha primicia, é a presentación animada e o conxunto de paneis que mostran paso a paso o método compositivo de Juan Gris.

A sombra e o fotógrafo amosa a evolución de Arissa desde o pictorialismo ata a vangarda da Nova Visión, e faino a través dunha coidada selección de máis de cento cincuenta fotografías realizadas entre 1922 e 1936.

Estas imaxes fálannos dun fotógrafo do seu tempo, que participa dos avances tecnolóxicos e as novas correntes artísticas do medio achegando a súa visión particular a partir dos experimentos realizados na intimidade do seu pequeno taller.

Juan Molina, mozo ilustrador, animador  2D, 3D, traballou como ilustrador na produtora galega Ficción-producións, participo dúas veces en elcertamen  de banda deseñada de Cangas, quedando en primeiro e terceiro posto. O motivo de realizar esta exposición débese ás ganas de mostrar unha nova forma de traballar, máis intimista, en branco e negro, con algún pequeno toque de cor; por suposto sen abandonar o debuxo colorista e cartoon que o identifica. Esta exposición de obra dixital, ilustración dixital en adobe ilustrator, series de tres cada un está acompañado  de textos de Fran Besada.

A exposición audiovisual Memoria de Peregrinación é froito da recente viaxe do fotógrafo Manuel Valcárcel e do músico Alexandro González, ambos os dous galegos, a través dunhas rutas xacobeas de dilatada historia e tradición. É unha viaxe contemporánea realizada co propósito de mergullarse, cos cinco sentidos alerta, na intimidade duns lugares históricos que forman parte substancial da memoria cultural de toda a Humanidade.

Obras de Marc Heffner. Exposición inspirada no Camiño de Santiago e na peregrinación, e mostra tanto obras orixinais como gravados.

Mostra bibliográfica para conmemorar o Día Europeo das Linguas

Exposición de documentos que posúe a biblioteca relativos a este tema, completada con bibliografía, fotos e textos.

A biblioteca pídelles aos seus usuarios a súa colaboración para que compartan con ela os seus plan sde lecturas para o novo curso e facer así unha mostra bibliográfica.

Exposicion organizada con motivo do XX Festival Internacional de Titeres Galicreques 2015 na que se mostran monicreques realizados con diversas tecnicas (fio, varina, etc.), que foron construidos inspirándose nestes artistas universais. Recolle traballos realizados e inspirados nos monicreques da montaxe "A bela e a besta", baseada en cadros de Pablo Picasso, ou da "A chegada dos Reis Magos", recreando pinturas de Joan Miró. Tamén poderán verse reproducións e deseños de Maruxa Mallo, Pau Klee, Depero, etc.

A exposición, comisariada por Christina Ferreira é froito dunha selección de máis de vinte obras da colección pertencentes a dezanove artistas do ámbito galego, nacional e internacional que recollen dúas lecturas posibles da palabra reflexión: a acción e efecto de reflexionar e a acción e efecto de reflectir.

As pezas da primeira sala da mostra xiran arredor dos diferentes xeitos de observación da contorna. Na segunda sala figuran os instrumentos dos que o ser humano se valeu para a súa aprendizaxe: a escritura, a astroloxía, a agricultura, o corpo humano ou a informática.