O proxecto consiste na realización dun ciclo de exposicións de beléns temporais en lugares seleccionados do camiño que percorreu o santo, en conmemoración e recoñecemento do seu impulso e propagación universal da devoción popular ao Misterio de Belén, unindo nun só programa as sensibilidades xacobea e franciscana e como el foi o creador do belenismo universal.
A Asociación Amigos de San Francisco de Asís organizou varias e diferentes actividades ao longo do presente ano 2014 con motivo do VIII Centenario da peregrinación do santo de Asís a Santiago de Compostela, a cal aconteceu no ano 1214. Neste caso participan diversas asociacións belenistas e de Amigos do Camiño de Santiago, tanto de Galicia como de Castela e León, xunto a outras entidades, institucións e persoas.
Para conmemorar o Día da Biblioteca, o persoal da Ánxel Casal preparou unha exposición sobre a historia da biblioteca pública de Santiago de Compostela, desde a súa fundación no ano 1955 na planta baixa da casa co número 4 e 5 da Praza de Salvador Parga ata o día de hoxe.
Poderanse ver fotografías, documentos variados, catálogos ...
1989 é unha data clave para o cine galego. Sempre Xonxa de Chano Piñeiro, Continental de Xavier Villaverde e Urxa de Carlos A.L. Piñeiro e Alfredo García Pinal, as tres primeiras longametraxes de ficción galegas, estreáronse do 23 ao 26 de novembro do 89 en Vigo, marcando o inicio dun prometedor futuro para o audiovisual do noso país. Vinte e cinco anos despois, a Cidade da Cultura quere renderlle unha pequena homenaxe aos profesionais que o fixeron posible a través da mostraCinegalicia25.
A Biblioteca de Galicia ofrécelle ao gran público unha das mellores coleccións de libros sobre reloxos do mundo: a legada por José Luis Basanta (Fonsagrada, 1924), extraordinario e dedicado bibliófilo, prestixioso investigador nos eidos da química e do papel. Formada por máis de 450 volumes, inclúe manuscritos únicos, impresos desde o século XVI ata a actualidade e unha gran cantidade de obras de apoio, desde revistas ata bibliografías, catálogos, publicacións de libraría anticuaria e obras sobre temas afíns, como os instrumentos mecánicos e a medición do tempo.
Con motivo do 250 aniversario do seu pasamento, a Biblioteca e Arquivo de Galicia recorda a figura do Padre Feijoo a través da exposición O ronsel dun sabio, un proxecto bibliográfico e documental sobre a súa vida e obra. A exposición consta de reproducións e orixinais de oito documentos e 29 libros que se artellan en dúas seccións: Feijoo e o seu século e Feijoo máis aló do seu tempo.
Vida cotiá dos castrexos, ampliacións e novos materiais de Roma Bellum, Corpus Hipocraticum… Organiza Terra Copora do 1 de outubro ao 30 de novembro, na sala de exposicións.
A mostra percorre a vida e obra do singular pintor. Nado nun pequeno pobo de Ourense en 1944, hoxe en día sitúase como un dos artistas galegos máis influíntes e destacados do momento. De feito, Pulido está avalado por unha traxectoria artística que levou a súa obra desde Tokio ata Nova York. O seu traballo está centrado nunha investigación plástica que dialoga coa tradición.
Exposición na que se pode gozar da creatividade de Uxío Novoneyra nestes poemas con formas propias do contido
A principios do ano 2000, Marcel Lucas descubriu a cidade de Santiago de Compostela á que voltou en varias ocasións para estudar a súa catedral. No ano 2005 comezou a temática do Camiño de Santiago e na súa obra aparecen os lugares que visitou, principalmente do Camiño Francés e especialmente Vézelay. Nos cadros que forman parte desta exposición, volven xurdir todas as sensacións que acumulou ao longo da súa vida e das súas viaxes. As formas, as cores e a composición emerxen das súas lembranzas.
