Formado nas artes plásticas e visuais e considerándose a si mesmo un músico “de oído”, Pelayo Fernández Arrizabalaga botou man de artiluxios visuais para comprender a notación musical.
A inauguración da exposición contará cunha perfomance sonora con Vertixe Sonora Ensemble.
Máis información en ImaxinaSons 2016.
Os artistas galegos Molezún, Mampaso, Labra e Caruncho xogan un importante papel no desenvolvemento do Movemento Abstracto, nas décadas dos cincuenta e sesenta do pasado século XX, e teñen unha presenza moi activa na súa afirmación. Estes precursores de novas formas de expresión, que teñen como principal motivo a elaboración dunha pintura sen obxectos, constrúen unha obra de carácter vangardista de grande interese nun contexto marcado pola asimilación das novas tendencias informalistas.
Viaxe a cen anos atrás para ver e oír o momento do nacemento das Irmandades da Fala, un movemento político e cultural que marcou para sempre a historia do país. Dez temas estruturan a mostra na que se poden ver publicacións, documentos, imaxes e obxectos, alén de escoltar gravacións musicais e discursos.
Dentro deste proxecto de revisión e contextualización da colección preséntanse tres propostas expositivas, nas que se desenvolven temáticas diferentes e que incorporan diálogos cruzados con outras coleccións tanto públicas como privadas vinculadas co CGAC e con Galicia: coleccións públicas e privadas galegas, coleccións de museos cos que o CGAC comparte coproducións de exposicións temporais (CAAC de Sevilla e MUN de Pamplona) ou coleccións que mantiveron unha especial conexión co CGAC como a Colección ARCO e a súa sede actual o CA2M de Móstoles.
Na sala de exposicións, expóñense os traballos gañadores deste certame local e provincial, convocado pola Biblioteca Pública de Lugo.
Na sala exposicións da biblioteca, pode verse esta selección de libros e fondos da biblioteca, cuxa temática xira ao redor do Camiño Primitivo.
Encarnación Díaz Martínez traballa como terapeuta ocupacional pero séntese artista. Leva debuxando desde a infancia e sente a necesidade de mostrar parte dese traballo, oculto na súa intimidade doméstica. Exerce a súa actividade profesional en diferentes institucións con todo tipo de persoas con diversidade funcional e actualmente con adultos con atraso mental grave.
Esta exposición é a primeira duna serie de obras que verán a luz en sucesivas mostras co mesmo título.
Presentamos unha colección de guías para planear viaxes e unha mostra das viaxes imaxinadas por outros, como Jules Vernes, Jack London ...
Sala Infantil, pode visitarse durante o horario de apertura da biblioteca.
Santiago de Compostela como un dos principais centros de peregrinación é a protagonista desta mostra, na que reunimos documentos sobre a cidade, o camiño, a peregrinaxe ... para conmemorar o Ano xubilar extraordinario que se celebra este ano.
Vestíbulo. Pode visitarse durante o horario de apertura da biblioteca.
Raimundo García Domínguez, máis coñecido como Borobó, nado en Pontecesures o 10 de xullo de 1916 e finado en Santiago de Compostela o 28 de agosto de 2003, foi un escritor e xornalista galego.
Homenaxeamos ao autor no centenario do seu nacemento con esta mostra, na que presentamos unha selección dos seus traballos.
2º andar. Pode visitarse durante o horario de apertura da biblioteca.
