Na exposición “Cocorico en movemento” o pitiño do conto, con Mamá Galiña e Gato Pelado decidiron dar o salto á gran pantalla. Na Biblioteca poderedes ver os capítulos da serie e os personaxes, escenarios, atrezzo e moitas máis cousas coas que o equipo de OQO filmes creou esta producción de animación en stop-motion. Animádevos a visitar a expo!
Cada ano, o 21 de marzo, a UNESCO celebra o Día Mundial da Poesía e invítanos a reflexionar sobre o poder da linguaxe poética e o florecimento das capacidades creadoras de cada persoa. De acordo coa decisión da UNESCO, o principal obxetivo desta acción é apoiar a diversidade lingüística a través da expresión poética e dar a oportunidade ás linguas ameazadas de ser un vehículo de comunicación artística nas súas comunidades respectivas.
A Biblioteca Pública de Pontevedra quere participar deste día cunha mostra bibliográfica que ten por obxecto apoiar a poesía.
Con motivo da celebración do Día do Pai, expoñemos unha selección de libros como mostra dos diferentes tipos de pais. A diversidade familiar representada de forma moi divertida, amena e innovadora: o pai prehistórico, o comprometido, o paiaso, o heroe... Cada pai é diferente.
A exposición Con-fío en Galicia, organizada pola Consellería de Cultura, Educación e Ordenación Universitaria, pon o foco sobre os logros acadados polos grandes deseñadores e empresas do sector téxtil-moda e dá visibilidade aos novos deseñadores galegos procedentes de Esdemga da Universidade de Vigo e a EASD Mestre Mateo de Santiago de Compostela, as dúas grandes escolas de moda de Galicia.
Con motivo da conmemoración do Día da Poesía no mes de marzo, mostra bibliográfica de poesías de Rosalía de Castro.
Un 8 de marzo de 1857, un grupo de obreiras do téxtil tomou a decisión de saír ás rúas de Nova York a protestar polas míseras condicións nas que traballaban.
Dende esa data foron moitos os movementos que reivindicaron os dereitos das mulleres.
O ano 1975, Ano Internacional da Muller, foi o primeiro no que as Nacións Unidas celebrou o Día Internacional da Muller o 8 de marzo e estableceu esa data.
O Arquivo de Galicia inicia unha serie expositiva documental para poñer en valor a vida e obra de mulleres galegas que levaron a cabo unha labor destacada en diferentes ámbitos profesionais.
Con esta exposición o Arquivo de Galicia, centro no que se custodia o arquivo persoal de Olga Galego Domínguez grazas á doazón realizada no ano 2012 pola súa irmá Pilar, quere tamén render homenaxe a esta muller traballadora, a unha muller sobranceira e unha das figuras máis relevantes na arquivística española.
O ano 1975, Ano Internacional da Muller, foi o primeiro no que as Nacións Unidas celebrou o Día Internacional da Muller o 8 de marzo e estableceu esa data.
Este día refírese ás mulleres correntes como artífices da historia e ten as súas raíces na loita plurisecular da muller por participar na sociedade en condicións de igualdade ao home.
Con motivo das celebracións do Día da Poesía e do Día do Teatro, o 21 e o 27 de marzo respectivamente, a biblioteca presenta unha selección de libros como mostra destes dous xéneros literarios para o público infantil.
Lugar: Sala infantil.
Pódese visitar durante o horario de apertura da biblioteca.
Todos os libros da mostra pertencen á colección da biblioteca e recibiron algún dos seguintes galardóns: Premio Esquío de poesía, Premio da Crítica Galicia, Premio Blanco Amor, Premio da Crítica de poesía galega, Premio Antón Losada Diéguez, Premio Álvaro Cunqueiro, Premio Vicente Risco de Creación Literaria, Premio Narrativa Breve Repsol, Premio da Crítica de narrativa galega, Certame Manuel Murguía de narracións breves, Premio Torrente Ballester, Premio Eusebio Lorenzo Baleirón, Premio Lueiro Rey, Premio Xerais ...
Lugar: 2º andar.
