Escolma itinerante de 60 pinturas e obxectos das principais escolas entre os séculos XVI e XIX e que pón en valor o obxecto coma protagonista e elemento clave da obra de arte.
Mostra de artistas míticos que conta con traballos de autores como Goya, Velázquez, Zurbarán, Sorolla ou Rubens.
Entre o despuntar de Atlántica e o xurdir da Facultade de Belas Artes de Pontevedra desenvólvese en Galicia o traballo dunha importante nómina de artistas de moi diferente procedencia académica e cos máis diversos horizontes estéticos e conceptuais. Nesa paréntese fecunda loitarán por ampliar a visibilidade da súa obra en condicións adversas nunhas terras de ninguén nas que sempre será dificultoso encontrar sinais de orientación e referencia.
A exposición Teoría e práctica do deserto, expón un percorrido polos procesos que atravesan o traballo de Antoni Socías, vinculando desde a fricción fotografía e pintura, obxecto, instalación e vídeo.
Nos seus traballos aparece unha predilección polos paradoxos e tamén polo absurdo que sutilmente se converte nunha larvada crítica social e política desde as pequenas cousas, subliñando a importancia das actitudes no cotián.
Rexistros domesticados é un proxecto que pretende mostrar a unidade de fondo nas motivacións temáticas, técnicas e formais, ao longo de corenta e cinto anos de traxectoria da artista. Organizada pola Subdirección Xeral de Promoción de Belas Artes do Ministerio de Educación, Cultura e Deporte, a exposición foi presentada no espazo Tabacalera Promoción del Arte en Madrid a comezos de 2015.
A mostra ‘Emigrantes: terras, xentes, emocións’, que cronoloxicamente abarca o período comprendido entre os séculos XVII e XX, reúne un total de de 45 documentos. Deles, 43 proceden dos diversos fondos, tanto de orixe pública como privada, que se custodian no Arquivo de Galicia, e os restantes, dous álbums de postais, son da colección particular dunha familia retornada de Cuba.
A mostra, comisariada por María del Carmen Ossaye, ten como obxectivo mostrar a modernidade e a contemporaneidade da arte dominicana xunto coa paulatina superación desta a través da calidade que a levou a posicionarse no espazo artístico global. Unha das pezas máis singulares do proxecto é a obra Figuras, un óleo e tinta sobre lenzo realizado en 1944 por Eugenio Granell.
Galicia en Foco é un concurso aberto a todos os fotoxornalistas e fotodocumentalistas que rexistran a realidade informativa, cultural ou antropolóxica galega. O Proxecto Galicia en Foco, creado polo Club de Prensa de Ferrol, leva 24 anos apostando por promocionar e potenciar o labor profesional dos fotógrafos. Galicia en Foco naceu en Ferrol en 1989. É un movemento fotográfico que se realiza dende Ferrol para toda Galicia, tendente a reivindicar o traballo dos fotógrafos de prensa de Galicia, con numerosa participación de reporteiros que cada ano acoden a esta convocatoria.
A exposición recolle a obra de oito creadores que conciben a natureza desde distintas lecturas: partindo da realidade tal e como se presenta, acomodándoa á utopía, suxeríndoa suxestiva ou alicaída, axexándoa desde o compromiso, intervíndoa nas súas propias entrañas ou contemplándoa e gozándoa desde a experiencia.
Os seus rexistros fotográficos non buscan o remedo, interpretan a esencia das cousas, a esencia dun territorio.
Mostra do internacional artista Henry Moore, un dos grandes mestres da escultura moderna. A exposición está comisariada por Sebastiano Barassi, xefe de coleccións e exposiciones da Fundación Henry Moore.
Nesta exposición temporal pódese ver unha pequena mostra da evolución histórica da cartografía galega, onde non só se amosan algunhas das primeiras representacións cartográficas de Galicia, senón tamén as novas técnicas e produtos cartográficos, coma dous drons último modelo, aínda en proceso de deseño por empresas galegas.
A entrada será de balde ata o domingo 17 de xaneiro.
