Como antecedente da ruína preséntase na súa obra a espacialidade, a necesidade de representar espazos entendéndoos dunha maneira estrutural. O interese polo tema da ruína nace dun momento persoal de bloqueo artístico e emocional que expresa a través da súa arte.
Exposición colectiva de artistas de disciplinas diversas que expresan as súas inquedanzas durante a pandemia.
Poderemos ver obras de fotografía, pintura, poesía e debuxo de: Lucía López, Cris Bamio, Moncho Rama, Encarnación Díaz, Carlos Botana e Michael Martin-Morgan.
Na sala infantil preparamos unha pequena mostra para que poidades afondar no coñecemento deste país e a súa cultura! Pode visitarse en horario de apertura da biblioteca.
Con esta mostra queremos achegarvos o mar á biblioteca a través das obras de diferentes autoras e autores de banda deseñada.
Na planta baixa, zona da hemeroteca. Pode visitarse en horario de apertura da biblioteca.
É hora de refrescarse! Na biblioteca non temos piscina ou praia, pero si temos todo o necesario para trasladarnos mediante a imaxinación ao lugar de descanso que queirades. Para iso, preparamos unha mostra bibliográfica con lecturas e películas que nos lembran o verán, ou que teñen ambientación estival.
Ademais, temos preparada unha lista musical en Spotify á que poderedes acceder a través dun código QR, e mesmo engadir as vosas cancións de verán favoritas. Agardamos que vos guste!
No 2º andar. Pode visitarse en horario de apertura da biblioteca.
Ademais de refrescarnos coa mostra de lecturas de verán, desde a Biblioteca Pública Ánxel Casal tamén temos preparada unha mostra bibliográfica que procura dar visibilidade a editoriais independentes. Cada unha delas está especializada nun xénero ou nun público distinto: desde a banda deseñada ata a a divulgación en xeral, pasando antes polos grandes clásicos traducidos ao galego.
No 2º andar. Pode visitarse en horario de apertura da biblioteca.
Na biblioteca pública Ánxel Casal queremos que nas vacacións as nenas e nenos gocen dun verán entre libros, risas e moito sol. Por iso seleccionamos esta mostra bibliográfica con aqueles imprescindibles para pasar un verán cheo de diversión, sen importar se prefiren achegarse á praia, á montaña, á vila ou mesmo quedar na cidade.
A mostra estará dispoñible na sala de Infantil durante o horario de apertura.
A biblioteca cede o espazo para a realización da exposición fotográfica “Otro cine: cambiando lugares” froito da colaboración entre Producciones Viesqueswood, produtora de cine e teatro, e Irene Ziel, fotógrafa e deseñadora gráfica xixonesa.
Unha colección de 22 fotografías realizadas en 2018 que supoñen un paseo por películas míticas da historia do cine. Xoias de grandes directores como Tarantino, Chaplin, Coppola... Diversidade de xéneros e temáticas, pero ningunha allea ao cambio, en todas elas experiméntase cos cambios de rol.
A exposición A Memoria do son está destinada a contribuír nos avances e coñecementos da sonoridade instrumental e vocal medievais. Un espazo destinado ao pracer da vista, do oído, un espazo para tocar, escoitar e entender o contexto no que foron creados co fin de que a visita resulte máis atractiva e enriquecedora.
Como consecuencia da realidade que nos toca vivir, o programa interactivo vese minguado e adaptado para non contribuír á difusión dun e á desaparición doutros, un pequeno esforzo en favor da cadea de transmisión de saberes xeracionais.
Un percorrido polas orixes do cinema e pola data máxica do ano 1900, cando as películas circulaban por pobos e cidades en barracas e roulottes.
Georges Méliès foi un precursor. As grandes tremoias, as trucaxes e as películas coloreadas son a orixe dun dos xéneros máis populares e rendibles da historia do cinema: o cinema fantástico. As películas de Méliès transmiten vitalidade, creatividade, ilusión, fantasía e sentido do humor, e demostran que no cinema todo é posible.
