José Val del Omar (Granada, 1904) é unha figura esencial e ao mesmo tempo insólita, no só no panorama nacional senón no mundo enteiro: un cineasta unha visión poética inconfundible, inventor, místico e visionario. A súa clarividencia ten sido obxecto de numerosos estudos, publicacións, exposicións e retrospectivas por todo o mundo, nun esforzo incesante por dar a coñecer e preservar a súa obra.
Celebra o ano Xacobeo cunha luminosa e orixinal exposición das acuarelas realizadas pola moza ilustradora Alicia Aradilla que, con máis de cen mil seguidores en Instagram, é famosa polos seus cadernos de viaxe que comparte en RRSS. Nesta ocasión aborda o Camiño de Santiago, unha peregrinaxe pola arte, os lugares e as persoas que o conforman.
Soamente nove mulleres contribuíron cos seus escritos nas páxinas da revista Nós: as galegas Francisca Herrera Garrido, María Sánchez Fernández, Carmen Somoza Pato, Purificación González Feijóo, Dolores Fernández Quintás, Josefa Rodríguez Vázquez e María Pura Lorenzana, a irlandesa Annie MacSwiney e a alemá Margot Sponer. O resto da escasa presenza feminina limítase a referencias bibliográficas na sección «Os homes, os feitos, as verbas» e a mencións no texto.
Mostra bibliográfica que recolle as historietas e libros que lían os nosos avós e avoas na súa infancia.
Do 1 de xuño ao 30 setembro.
O 5 de xuño é recoñecido como o Día Mundial do Medio segundo a Organización das Nacións Unidas. Desde a biblioteca queremos concienciar e sensibilizar ás nenas e nenos sobre a importancia de coidar e protexer os nosos ecosistemas. Con esta mostra bibliográfica, “Andamos polo Medio”, pretendemos fomentar o respecto ao medio e promover hábitos responsables que garantan que as próximas xeracións gocen dun entorno máis próspero e seguro.
Na sala infantil. A mostra pode visitarse durante o horario de apertura da biblioteca
Exposición Filatélica Letras Galegas 2021 organizada pola Sociedade Filatélica Numismática e Vitolfílica Miño.
Xela Arias pasou parte da súa vida en #igo, onde participou activamente da vida cultural. Visitade na biblioteca a mostra das publicacións das que fixo parte e das súas traducións ao galego.
Bibliografía: http://bit.ly/BPVXelaArias
Xosé Vizoso (Mondoñedo, 1950) é todo un referente do deseño gráfico en Galicia. Constátano as catro décadas coroando o deseño da marca Sargadelos, os douscentos cincuenta carteis de eventos culturais e os súas máis de trescentas ilustracións para libros; pintor de grandes murais e autor de diversas esculturas conmemorativas.
A FUNDACIÓN ARTIAGA promove agora a exposición Xosé Vizoso. Creatividade e procesos presentando por primeira vez ante o público ese mundo procesual descoñecido, que enriquece notablemente a súa longa traxectoria artística.
Como cada ano a Biblioteca de Galicia pon en marcha unha nova mostra bibliográfica para homenaxear a figura á que se lle dedica o Día das Letras Galegas. Neste 2021 a elixida pola Real Academia Galega foi a poeta Xela Arias Castaño (Sarria, 1962 - Vigo, 2003).
Descoñecida polo público e esquecida pola historia da arte, a figura de Lolita Díaz Baliño (A Coruña, 1905-1963) é representativa das dificultades ás que se tiñan que enfrontar as mulleres, aínda a comezos do século XX, á hora de desenvolver calquera tipo de actividade creativa.
