Organiza: Secretaría Xeral de Igualdade da Xunta de Galicia.
Lugar: Sala de exposicións, na primeira planta.
Datas: do 4 de marzo ao 5 de abril
Horario: luns a sábados no horario de apertura da biblioteca.
Exposición en recoñecemento ás precursoras galegas da comunicación. Xornalistas, escritoras, mulleres comprometidas que contribuíron irremediablemente á modernización política, social e cultural de Galicia.
Esta mostra enxalza o espírito barroco da Casa do Cabido, auspiciando a idea do misterio que se oculta tras o pano pétreo da súa fachada. E, como na vella técnica pictórica da Quadratura, na que o engano artístico (trompe- l'?il) propiciaba que as figuras flotasen elevándose nun imaxinario ascenso cara ao firmamento, os artistas Lois Patiño e Jorge Perianes interveñen o espazo das salas, creando o seu singular acto escénico.
Noroeste cuarta Oeste: roteiros de ficción é unha singradura a través de temas e obras literarias, cinematográficas, televisivas ou escénicas da nosa contemporaneidade. En modo de navegación polo Atlántico percorremos a ficción galega en diálogo coa do Norte de Portugal.
Mónica Alonso (A Fonsagrada, Lugo, 1970) centra a súa primeira mostra individual no MARCO nunha única peza, baixo o título A maxia do colibrí. 6 casos desesperados. Unha obra que naceu en 2015, durante a estancia da artista en México, e que precisou de todo este tempo para madurar, escribirse e reescribirse. Nese ano Alonso presentou en México a obra O colibrí vermello, que está no xerme deste proxecto, vinculado coas historias e rituais máxicos asociados ao colibrí nas culturas precolombinas, e moi en liña co interese da artista sobre as relacións entre ciencia e superstición.
Para a súa primeira exposición no MARCO, Din Matamoro (Vigo, 1958) toma como punto de partida unha soada premisa de Kandinsky: "O branco é o gran silencio cheo de cousas posibles". Esta mostra reúne unha selección da súa obra dos últimos anos, centrada no estudo da cor, acompañada doutras pezas de épocas anteriores que, como todo o traballo deste artista, implica todo un ensaio sobre a percepción, os seus mecanismos e emocións.
Para comprender a verdadeira singularidade de Alfredo Alcain (Madrid, 1936) hai que lembrar que, como pintor, parte do ambiente figurativo madrileño, aínda que moi pronto introduce un elemento diferenciador: un humor fino, sutil, esixente e autocrítico, mesmo corrosivo, cos principios que lle parecen máis estables.
Esta exposición reúne por vez primeira a serie Containers, na que Manuel Quintana Martelo (Roxos, 1946) leva traballando sen interrupción desde 2012, practicamente inédita.
Glenda León (A Habana, Cuba, 1976), que estudou ballet clásico, filoloxía e historia da arte na Habana, comezou a expoñer en 1999. A propia artista sinalaba nunha entrevista en 2013: "A música foi unha fonte de inspiración para min desde moi nova. Por iso quixen ser coreógrafa durante moitos anos. Entón deime conta de que o ingrediente principal destas ideas coreográficas da época era o visual". Ese é o núcleo deste proxecto e da súa obra; a síntese entre os sons e o visual.
O artista Ignacio Pérez-Jofre (Madrid, 1965) presenta a exposición individual titulada No chan, formada por obras sobre papel, realizadas nas rúas de Vigo coa técnica de frottage, mediante a que transfire ao soporte as terras do lugar, que actúan como pigmento que rexistra as tramas dos diferentes deseños das beirarrúas da cidade de Vigo.
Visita á sala máis espectacular do Aquarium, onde nadan os peixes de maior tamaño, como as quenllas, corvinas, douradas, robalizas e meros, e os bancos de caballas e xurelos.
Os Museos Científicos Coruñeses ofrecen en Entroido visitas virtuais para público xeral. Estas visitas son gratuítas e realízanse por videoconferencia, cunha conexión a través de Google Meet.
