Durante dúas semanas a biblioteca acollerá unha exposición sobre a obra do ilustrador Pablo Carreiro, especialmente sobre a súa tira cómica Chico!.
Chico! é o primeiro cómic de Pablo Carreiro, nel conta a vida ordinaria de Berto e os seus amigos. Unha colección de tiras que celebran o cotián e o encanto de ser un mesmo. Chico! ten dous libros recompilatorios Chico|#1 e Chico#2 que podedes atopar na biblioteca.
Xela Arias é a quinta muller homenaxeada nos máis de 50 anos de celebración das Letras Galegas. Muller creadora cunha voz singular que contribuíu a renovar a poesía galega dos anos 80 en temas, estilo e forma. Unha voz profunda, reflexiva e transgresora que a través da palabra procura novos espazos para afirmar a perspectiva feminista ou para denunciar a orde social opresora.
Esta exposición divulgativa da vida e obra da poeta Xela Arias toma o seu nome precisamente dunha autopoética da autora publicada no Faro de Vigo en 1984.
Exposición de fotografías do noso patrimonio artístico na Casa da Cultura de Palas de Rei do 12 ao 22 de xuño.
O 28 de xuño celébrase o Día Internacional do Orgullo LGTBQ+ e na Biblioteca sumámonos a esta data cunha mostra no andar 0 da Biblioteca onde tamén atoparedes unha selección de lecturas e as novidades deste mes da Biblioteca LGTBQ+.
O día 12 de xuño cúmplense 100 anos do nacemento de Luis García Berlanga e a Biblioteca quere lembrar a súa figura cunha mostra "Benvido, Mr Berlanga!" das súas obras, proxección de documentais, libros ... que se poderá visitar no primeiro andar da Biblioteca no seu horario de apertura.
O Arquivo Historico Provincial de Pontevedra súmase, un ano máis, á celebración da Semana Internacional dos Arquivos, promovida polo Consello Internacional de Arquivos (CIA) baixo o lema: Empoderar os Arquivos.
Con este motivo o 11 de xuño terá lugar unha xornada de portas abertas cunha visita guiada e unha pequena exposición de documentos e fotografías relacionadas co barrio de Pontevedra A Moureira, baixo o título: “A Moureira: o vello barrio mariñeiro”.
A actividade, programada para grupos de persoas que o soliciten previamente, ten como finalidade difundir os fondos documentais que custodia o Arquivo de Galicia e contribuír á reflexión sobre o interese do patrimonio documental como parte integrante do patrimonio cultural de Galicia.
Horario: Entre 9 e 14 h. (De luns a venres)
Duración prevista: 45 minutos.
(Con inscrición previa)
Con motivo da celebración do Día Internacional dos Arquivos, no ano en que celebramos un novo Ano Santo, no Arquivo de Galicia queremos abordar un percorrido polas diferentes rutas que desde hai máis de mil anos transitan vellos e novos viaxeiros na súa peregrinación a Santiago a través dos documentos que se custodian no Arquivo de Galicia. A exposición Camiños, Paisaxe e Patrimonio organízase en once vitrinas.
O Museo de Belas Artes da Coruña atesoura na súa colección obras de artistas recoñecidos que elaboraron ou elaboran as súas expresións figurativas en torno á paisaxe e ao seu tratamento como tema principal, integrando descricións xeográficas e humanas realistas ou imaxinadas, e achegando a figuración a unha lectura de proximidade e de sensibilidade. Nas súas épocas e estilos, achégannos aos nosos territorios de pertenza e asómannos a outros descoñecidos que nos abren as portas a numerosas viaxes afectivas e intelectuais.
De todas as cousas que admiramos de Leonardo dá Vinci, se tivésemos que destacar algunha quizá sería a súa capacidade de adiantarse ao seu tempo en todo o que facía. Pintura, enxeñería, anatomía, xeometría e botánica son só algunhas das disciplinas onde aínda pervive a súa pegada.
