Que sería de nós, lectores e lectoras, sen as nosas autoras favoritas de literatura infantil en galego? Achégase o seu día e queremos festexalo ao grande cos libros que máis vos gustan e tamén con outros títulos que talvez coñeciades menos... para que sigades e sigamos desfrutando delas, non só nesta data sinalada, senón ao longo de todo o ano.
A mostra pode visitarse na sala infantil durante o horario de apertura.
O vindeiro 24 de outubro celebramos, un ano máis, o Día das Bibliotecas. Por iso, na sala infantil e durante todo este mes, poderedes atopar unha selección de libros nos que tanto as bibliotecas coma nós, as bibliotecarias e bibliotecarios que traballamos nelas, somos protagonistas. Animádesvos a acompañarnos no noso día?
A mostra pode visitarse na sala infantil durante o horario de apertura.
Polo Día das Escritoras emprazamos ao noso público a deixar a súa suxestión de escritora ou obra de escritora predilecta. Xunto ao espazo de suxestións lembraremos a algunhas autoras senlleiras da historia da literatura e outras escritoras coetáneas que nos fan gozar coa súa arte.
Este ano cúmprense 100 anos do nacemento do cineasta Fernando Fernán Gómez o 28 de agosto de 1921 e na Biblioteca queremos lembralo coa Mostra Bibliográfica do primeiro piso:
"Os 100 de Fernando Fernán Gómez"
Un repaso pola obra literaria e cinematográfica no centenario do seu nacemento
Selección de libros y audiovisuales que aportan una visión positiva y recursos prácticos para esta importante etapa vital.
Esta mostra supón unha homenaxe á etiqueta do viño, como un ben documental que nos aporta información relevante sobre o propio contido das botellas pero tamén sobre o público ao que ía destinado e incluso os gustos estéticos de cada momento.
Medicina gráfica é un termo acuñado polo médico británico e autor de cómics Ian Williams para referirse ao uso do cómic ou novela gráfica, a ilustración e a infografía como ferramentas de comunicación sanitaria. Nesta mostra recollemos unha selección bibliográfica de obras que cumpren os requisitos para entrar nesta categoría.
Na zona de Fondo Local. Pode visitarse durante o horario de apertura da biblioteca
«Rojo» é un traballo conxunto da ilustradora Marta Waterme (Barcelona) e a xornalista Sandra Rego (Ferrol) que reflicte a súa interpretación do que significa ser muller na sociedade occidental actual.
Esta mostra recolle unha selección de retratos intimistas que nos levan nunha viaxe ao interior dunha mesma. Vermello fala de autoconocimiento, de vivencias persoais e das preocupacións e os anhelos que pode sentir calquera muller deste século. Faio a través de dez cadros feitos coas técnicas da acuarela e o grafito aquarel·lable e cun fío condutor: a cor vermella.
Escenas ricas en detalles, cores e perspectivas conxugan a visión mimética da arte fotográfico coa visión pictórica do artista, sentido fotográfico que dotan a cada imaxe de forza visual.
Visión pictórica fai que cada obra teña un sentido compositivo propio que a dota de personalidade, adquire presenza única, concedéndolle carácter e lexitimidade.
50 anos de actividade no mar é o título dunha exposición que fai un percorrido pola historia do servizo de Salvamento Marítimo de Cruz Vermella, prestando atención aos seus fitos máis importantes e ás principais emerxencias que se sucederon ao longo destas décadas.
A exposición recolle as principais actividades dun servizo que está dispoñible as 24 horas do día, os 365 días do ano, e que inclúe a realización de labores de prevención, emerxencias marítimas e a loita contra a contaminación mariña en toda España.
