Exposición

Esta mostra percorre os 90 anos de historia do emblemático Café Derby, referente cultural en Compostela. Amosa documentación e imaxes inéditas do Café e unha recreación do espazo orixinal, con algúns dos elementos mobles como as cadeiras, mesas ou lámpadas. Nas súas cadeiras sentáronse intelectuais ilustres como Valle-Inclán, Seoane, Maside, Carvalho Calero, Torrente Ballester, Colmeiro, García Sabell, Casares, Manuel María ou Castelao.
 + INFO

Comisariada por Deborah García Bello e Miguel Ángel Cajigal Vera, Galicia futura é o terceiro gran proxecto expositivo da Xunta de Galicia na Cidade da Cultura con motivo do Xacobeo 21·22 e pecha o ciclo iniciado con Galicia, un relato no mundo e Galicia, de Nós a nós.A mostra toma o pulso do presente para propoñer un percorrido por fitos e ideas innovadoras que xa están a marcar os vieiros do porvir da nosa comunidade en diferentes campos. Explora así un futuro desexado e posible, partindo do traballo que están a desenvolver a día de hoxe diferentes profesionais e grupos de vangarda.

Con esta exposición, comisariada polo profesor emérito José Manuel García Iglesias, a USC mostra parte da súa historia recreando espazos do pasado que seguen, dalgún xeito, presentes. A súa antiga biblioteca evócase no denominado Salón Artesoado, cos vinte e dous retratos que a adornaban orixinalmente no ano 1882. A capela é o lugar onde se alude á presenza dos vítores nos contextos universitarios mostrando, a través dunha galería de personaxes ilustres dos séculos XIX e XX, unha parte de quen foron os seus protagonistas.

Camiños é un proxecto que aborda o feito de camiñar, andar, pasear e a vivencia do camiño, do vagar, do itinerario e da peregrinación como fenómenos e experiencias artísticas.A performance, como reflexo das contradicións da vida social, e a apertura conceptual cara á paisaxe, que en canto acción e mirada supón a land art, converten a partir dos anos setenta o feito de camiñar nun tema central da arte contemporánea.

A exposición Por unha bioloxía da imaxe presenta dúas series sucesivas de Clara Carvajal: Dioses de la frontera e Argucia.
Ambas as dúas inscríbense na súa primeira aproximación á bioloxía da imaxe, concepto plenamente innovador co cal a artista se interroga sobre a capacidade de transformación da imaxe que, sen deixar de ser fiel a si mesma, se actualiza en cada novo medio e, grazas a este percorrido, se engrandece e  engrandécenos a mirada. Clara Carvajal indaga, mediante este concepto, na dimensión plástica e escultórica da imaxe fotográfica.

From Spain With Design (FSWD) é un proxecto de READ, Red Española de Asociaciones de Diseño, concibido de forma colaborativa como unha ferramenta para a proxección do deseño español a nivel nacional e internacional.Neste marco, presentamos a exposición FSWD / Identidade e territorio, que recolle proxectos de deseño de distintas áreas que, máis aló de responder ao lema da convocatoria, destacan pola súa calidade, pola súa proxección no mercado nacional e internacional, por ser un modelo de sinerxía entre deseñador e empresa, por dar respostas coherentes e construír valor.A esta idea vertebra

Hamish Fulton (Londres, 1946) comezou a ser coñecido na década dos sesenta como integrante dun grupo de artistas británicos que exploraban novas formas de entender a escultura no contexto da desmaterialización do obxecto artístico.

Living Dinosaurs é unha exposición interactiva composta por 30 réplicas de dinosauros animatrónicos. Unha viaxe ao pasado onde nenos de todas as idades descubrirán como eran, como vivían e ata como se movían estes xigantes prehistóricos.Ao comezo do percorrido, cada neno recibirá un cuestionario que contén preguntas que deberán ir completando durante a exposición. Unha aventura en busca do tesouro que che animará a aprender e estudar cada unha das especies expostas, ademais de desenterrar fósiles ou tomar unha fotografía dentro dun ovo de dinosauro.

Hamish Fulton (Londres, 1946) comezou a ser coñecido na década dos sesenta como integrante dun grupo de artistas británicos que exploraban novas formas de entender a escultura no contexto da desmaterialización do obxecto artístico. En concreto, a práctica de Fulton caracterizábase polo seu desexo de establecer unha relación intensa coa natureza mediante o acto de camiñar, que converteu en centro da súa obra.

Nesta mostra: Bo Camiño, 36 artistas peregrinando a Compostela, podemos ver representado o Camiño Inglés, desde Ferrol, por Rafael Romero, Montse Pernas, Victor Rodriguez,Fernando Patiño, Antonio Seijas, Corin Cervera e Pedro Rascado.

O Camiño Primitivo, ao seu paso por Lugo, representado por Maria Nogueira, Jorge Espiral, Santiago Caralán, Miguel Anxo Macia, Xer Refojo, Lomarti, Xoan Vila e Otero Yglesias.