Exposición

Liña rota de horizonte é unha exposición protagonizada por unha instalación de grandes dimensións que establece un diálogo coas estruturas da cidade e a súa relación coa natureza, en moitos casos maltratada e descoidada ou, como neste caso, mutilada. Ademais, completarase con outras obras do artista que poñen en relación a natureza e a cidade.  O proxecto, comisariado por David Varro e González & González (Daniella González Maldini, Patrick Hamilton) está coproducido por MadBlue e Fundación DIDAC.

Exposición promovida pola Xunta de Galicia que percorrerá once localidades galegas comezando na Biblioteca Pública Ánxel Casal, con paradas en concellos da Rede de Dinamización Lingüística e en bibliotecas da Rede de Bibliotecas Públicas de Galicia, para difundir a figura, a vida, a obra e o contexto histórico que lle tocou vivir a Xela Arias.

Coordinada por María Xesús Nogueira, autora dos textos, e producida por Ouvirmos S.L., a mostra conta con fotografías de Xulio Gil, do Arquivo familiar Arias Castaño e do Arquivo Edicións Xerais de Galicia.

Mostra bibliográfica de libros infantís sobre a celebración do Día das Letras Galegas e os autores e autoras homenaxeadas.

A mostra pode visitarse na Sala infantil durante o horario de apertura da biblioteca.

Polo Día Mundial da Lingua Portuguesa, dende a Biblioteca Ánxel Casal queremos achegarvos unha pequena mostra bibliográfica con algúns títulos da literatura infantil nesta lingua. A súa finalidade é contribuir á celebración do multilingüismo e á diversidade cultural amosando unha lingua cunha forte extensión xeográfica en aumento como é o portugués. Convidámosvos a celebrar connosco a festa da Lingua Portuguesa!

Na sala infantil. A mostra pode visitarse durante o horario de apertura da biblioteca.

Moscoso Cosmos: Ou universo visual de Victor Moscoso trae ao noso país unha ampla selección do traballo dun dúas deseñadores gráficos máis orixinais e influíntes do século XX e é a maior exposición retrospectiva do autor ata hoxe.

A Casa Museo Picasso presenta o I Salón de Primavera da Asociación de Artistas da Coruña que, fiel ao seu espírito fundacional vai na procura da exhibición e divulgación da obra dos artistas locais.  Este I Salón de Primaveira vén unirse aos Salóns de Outono que con carácter bianual celébranse na Casa Museo Casares Quiroga.

A mostra integra unha variedade de formatos e estilos que son fiel reflexo da diversidade da propia Asociación.

Na mostra exhíbense dez colecciones chegadas de diferentes puntos de España: Andalucía, Asturias, Cataluña, Madrid e Galicia, que presentarán selos tarxetas e cartas relacionadas co correo da  I e II República Española, a guerra civil e o exilio.

Con este motivo presentarase un selo de Correos especialmente deseñado para esta exposición. 

Achegamento da vida e da obra de Xela Arias ao público infantil, especialmente ás traducións de libros infantís que realizou.

Sala Infantil da Biblioteca.

Percorrido polo universo poético e narrativo da homenaxeada do Día das Letras Galegas do 2021.

Zona de exposicións da biblioteca.

Este 2021 cúmprense cen anos do pasamento doutra das grandes figuras da nosa literatura, Emilia Pardo Bazán. Na mostra bibliográfica que lle dedicamos desde a Biblioteca Pública de Santiago Ánxel Casal aproximámonos á súa figura desde distintas ópticas: como novelista, xornalista, tradutora, teórica literaria, cronista e viaxeira.

A mostra bibliográfica pode visitarse no segundo andar da biblioteca durante o horario de apertura