Noviembre é un terreo de xogo onde tres bailaríns constrúen unha paisaxe en común. Unha colección de postais onde se enredan os corpos, os xogos físicos e os mecanismos. Noviembre fálanos do grupo e da colaboración, do espazo propio e do espazo compartido, do sentido de pertenza e da imaxinación. Da suma de forzas e do xogo de estar xuntos.
Concepto e dirección: Roser López Espinosa
Creación: Diego Sinniger de Salas, Roser López Espinosa, Ines Massoni, Sol Vázquez
O grupo Pesdelán preséntanos o seu novo traballo, Entroidanzas, un vídeo que recolle unha escolma significativa da variedade de bailes de Entroido que existen no mundo.
O grupo convídanos a bailar con eles independentemente da idade, forma física ou coñecemento de ritmos ou pasos de baile que teñamos. Para todos os públicos.
Salón de actos. Entrada libre ata completar a capacidade da sala.
Clausura do ciclo da Semana da Cultura Chinesa co recoñecemento aos participantes e as principais entidades que colaboraron na presente edición, e cunha representación de danzas tradicionais chinesas por parte de estudantes chinesas de intercambio na USC.
Salón de Actos, entrada libre ata completar a capacidade da sala.
Tempo e Espaço explora unha crise de identidade. Deconstrúe representacións culturais dun corpo “puro” africano, en particular, o corpo de Mozambique. Desde a independencia de Portugal en 1975, Mozambique foi unha terra de fendas sociais e políticas que vén dun modelo comunista inflexible a gradualmente abrir o camiño cara a unha democracia feble. A performance traballa sobre a idea do corpo africano de hoxe: un corpo que absorbeu os ideais de nacionalismo, modernidade, socialismo e liberdade de expresión.
Espectáculo teatral cuxo obxectivo é chegar o ser humano ao ser humano.
A intérprete Paula Quintana pregunta ao público se entre eles se atopa Paula Quintana, ten un paquete para ela que debe entregarlle. Xa non lembra canto tempo leva aí, pero non pasa nada, se hai que seguir esperando, espérase porque ela sempre cumpre coas cousas que hai que facer e faias como hai que facelas. A vida hai que vivila con sentido común e gozando das pequenas cousas.
Bailaríns: Salvador Roche e Saray Huertas
Coreografía: Asun Noales
Sinopse: Eva y Adán é unha adaptación do mito dende o corpo e as súas posibilidades. A primeira muller e o primeiro home míranse con curiosidade, descóbrense similares e gozan dunha vida salvaxe e idílica. Eva e Adán voa por encima de calquera cliché de sexo ou de xénero.
Un espectáculo de danza actual. Danza para nenos e para toda a familia.
En About Kazuo Ohno, Takao Kawaguchi tenta copiar a danza de Kazuo Ohno, eliminando calquera posible interpretación propia e proxectando as formas e figuras orixinais o máis exactas posible. Canto máis se aproxima á versión orixinal, máis clara é a brecha entre as dúas versións, mínima pero inevitable a pesares dos esforzos por diminuíla. O paradoxo nesta performance é que esta mesma distancia, non obstante, pon de relevo as características moi distintas do que copia. Copiar é orixinal.
Intérprete: Alexis Fernández
Este proxecto nace da inquietude por descubrir novas maneiras de relacionarse co espazo e co movemento e empezou a xermolar grazas á aposta que Carolyn Carlson fixo por este traballo. Convidóuselle a La Macana a residir no Centro Coreográfico que ela mesma dirixe en Roubaix-Nord Pas de Calais durante un período dun mes, o que lle permitiu empezar a investigar novas maneiras de producir linguaxe a partir de pautas distintas ás que coñecían.
Espectáculo de danza familliar onde as emocións toman forma a través das cores e o movemento que, conxugado co son e as proxeccións audiovisuais, teñen como obxectivo axudar ás máis novas e novos e ao seu entorno familiar a identificar as emocións.
Emoticores é a nova proposta de danza de Cristina Montero & Rut Balbís, Las Tricotouses, para o público máis novo.
Espectáculo dentro da programación da Rede galega de teatros e auditorios.
O Gran Ballet por excelencia.
Unha cativadora historia de amor (un príncipe, unha fermosa nova transformada en cisne polo esconxuro dun bruxo, un engano mortal...), o virtuoso dobre papel de Odette / Odile, a forza da música de Tchaikovsky, e un dos máis grandes pas de deux do repertorio do ballet, converten O Lago dos Cisnes nunha experiencia única.
Unha romántica contorna, unha coreografía espléndida e unha inesquecible historia de amor sentenciado combínanse para facer do Lago dos Cisnes un auténtico ballet clásico, aclamado polo público en todo o mundo.
