Amediometrados é un espectáculo formado por tres pezas curtas de danza contemporánea da compañía Entremans, creadas en diferentes espazos onde o ámbito foi soporte nas súas múltiples formas e o pulso físico se manifesta vertixinosamente.
Máis información, neste enlace: http://www.compostelacapitalcultural.com/detalles/17881/eventos.html
A Cidade da Cultura celebra un ano máis o Día da Danza cun obradoiro familiar no que descubrir os bailes tradicionais.
Seguindo as indicacións de Mercedes Prieto, descubriremos e aprenderemos os pasos dos xogos e bailes de roda como a Carrasquiña, o Chotis de Vilaxoán ou o Gharutiño. E ademais, farémoslle unha chiscadela ao calendario, introducíndonos nas danzas dos maios. Todo acompañado coa música ao vivo de Serxio Cobos, que interpretará diferentes sons co acordeón, a gaita e percusións.
Un espectáculo lúdico participativo no que se involucra ao público presente, recreando un salón de baile e cunha miniclase de demostración para poder incorporar ao pùblico ao baile orixinal
Moendo Muiñeiras é un espectáculo que xira ó redor da muiñeira, no que se misturan a partes iguais teatro, baile e música. Os protagonistas da historia farán un percorrido polas catro formas de muiñeiras conservadas a día de hoxe: muiñeira nova, muiñeira vella, carballesa e regueifa, levados por unha apaixoante trama ao ritmo da zanfona e o violín.
Sipnose:
Detrás dos procesos creativos de Janet Novás hai certas liñas ou principios recorrentes que son responsables das decisións que perfilan os seus traballos e que se dividen en dúas grandes categorías: unha de carácter intuitivo, imaxinativo e sensorial e outra que cuestiona e problematiza a primeira.
O resultado estético e ideolóxico das pezas é unha transcrición do diálogo entre estas dúas formas de pensamento. Neste proceso busca facer máis consciente que nunca este diálogo.
Expresión corporal: Mari Ah!
Músico: Alvaro Muras
Audiovisuales: Angeles García
Camiño dunha confluencia artística que nos leva a unha experiencia extrasensorial difícil de esquecer por medio da danza, a música e os audiovisuais.
Unha sinerxia de expresións peregrinando cara á vangarda.
Aproveitando que o 29 de abril se celebra o Día Internacional da Danza, a Sección de Música e Artes Escénicas do Consello da Cultura Galega propoñen unha xornada, coordinada por Eva Faraldo, dedicada á encrucillada da danza na actualidade.
Nela, profesionais de nivel estatal e autonómico, establecerán unha reflexión que nos permita abordar a importancia da danza como motor de cambio e crecemento persoal, así como dinamizadora na sociedade en que vivimos.
Noviembre é un terreo de xogo onde tres bailaríns constrúen unha paisaxe en común. Unha colección de postais onde se enredan os corpos, os xogos físicos e os mecanismos. Noviembre fálanos do grupo e da colaboración, do espazo propio e do espazo compartido, do sentido de pertenza e da imaxinación. Da suma de forzas e do xogo de estar xuntos.
Concepto e dirección: Roser López Espinosa
Creación: Diego Sinniger de Salas, Roser López Espinosa, Ines Massoni, Sol Vázquez
O grupo Pesdelán preséntanos o seu novo traballo, Entroidanzas, un vídeo que recolle unha escolma significativa da variedade de bailes de Entroido que existen no mundo.
O grupo convídanos a bailar con eles independentemente da idade, forma física ou coñecemento de ritmos ou pasos de baile que teñamos. Para todos os públicos.
Salón de actos. Entrada libre ata completar a capacidade da sala.
