Un espectáculo de narración oral que combina a manipulación do kamishibai (teatro tradicional xaponés que usa o papel) e a técnica lumínica emaki con escenarios despregables pop-up e revisións únicas desta técnica teatral. As historia viaxeiras permitirá descubrir lendas e contos chegados dos diferentes continentes.
Para cativos de 4 a 11 anos
En Vilaxeada hai unha velliña, un curral sen galo, un cataventos… As pitas do curral, que coñecen ben o que acontece, reúnense de cando en vez para contar as historias da aldea: como apareceu o cataventos da igrexa, como quedou o curral sen galo e que lle pasou a outros personaxes e animais que por alí vivían.
Contacontos baseado nos relatos de Mª Victoria Moreno.
Duración: 45 minutos aprox.
A partir de tres anos.
Lupodivico Fernando Gómez de Tipiminí é un lobo moito máis pequeno que o nome tan longo que lle puxera a súa nai, por iso todo o mundo o chama Lup. Lup, un día, preparou a súa maleta e foi dar a volta ao mundo. Un xersei, unha bufanda, unhas medias quentiñas, un libro de contos, unha pucha, unha mantiña, a cámara de fotos, unha chupeta… unha chupeta! Unha chupeta é unha cousa para levar nunha viaxe tan divertida? Espectáculo de contos con son, versos e pequenos obxectos.
Para bebés de 1 a 2 anos.
Cómpre reservar praza.
Actividade baseada na colección de libros de O raposo Rufo, con contacontos nos que se fará partícipes aos nenos, e obradoiro final para que os pequenos desenvolvan o visto na actividade. Os libros de Rufo tratan sobre os valores, a reciclaxe, a natureza e o seu coidado, alimentación, bos hábitos...
Para nenas e nenos entre 4 e 11 anos.
Volve a hora do conto en inglés ou StoryTime.
O StoryTime é a representación dunha historia a través de diferentes personaxes, cancións e material complementario, para asegurar que os nenos poidan gozar dun espectáculo en inglés. Nesta ocasión Kids&Us Coruña levará aos asistentes ata o lonxano Oeste co StoryTime The Far West.
Unha xuntanza de corvos vellos, cheos de experiencias, é o punto de partida desta actividade, na que se poderán descubrir diferentes animais e como son.
A partir de 5 anos
Raposadas é un espectáculo de contos de tradición oral con obxectos e monicreques.
A historia segue a unha raposa, moi lista e moi curiosa, á que lle gusta vivir libre no monte pero tamén visitar de cando en cando a aldea para ver xogar aos cativos e escoitar os contos que lles contan na lareira.
Espectáculo de animación á lectura, con maxia, contos, monicreques, adiviñas, participación do público, diversión e moito máis. O contacontos irá introducindo aos espectadores e espectadoras no mundo máxico dos contos coa axuda dunha maleta máxica e da man dos seres fantásticos que nela habitan.
Sesión de contos para bebés acompañados das súas familias da man de Fátima Fernández. Duración: 30 minutos.
Para rapaces de 1 a 3 anos. Inscrición previa chamando ao 988 78 83 95 ou presencialmente na Sala Infantil dende o luns anterior ás 10 h.
Durante a realización da actividade a sala permanecerá pechada (aproximadamente de 12 a 13 h).
A música en directo enfía contos, poemas, retrousos e xogos de man... todo para intentar que un bebé coma. Con este punto de partida, o espectáculo repasa parte da tradición oral e literaria, nunha verdadeira animación á lectura en familia.
