Contacontos/Narración oral

Tan, tan, tan grande é o mundo que se pode atopar un tesouro debaixo dunha pedra, nunha illa deserta, na lúa, nun cofre ... e, sobre todo nos contos.  

Espectáculo de contacontos 

A narración e a enxeñaría en papel axudan a despregar a imaxinación. Os elementos animados invitan a participar activamente coa historia e co libro mesmo como obxecto.

Espectáculo de narración oral.

Coñecer o mundo que rodea -aínda que se teñan orellas de trapo - é posible gracias aos contos.  

De 3 a 10 anos 

Da señora Antonia din que é unha meiga, se cadra polo seu aspecto con sombreiro picudo, nariz afiada, verruga no rostro, a costa encurvada, andar decidido e saia morada, ou polos seus amigos, pantasmas, bandidos e morcegos. A señora Antonia tamén sabe moitas historias sobre o mundo das tebras. 

De 3 a 12 anos

Nos contos hai personaxes moi pequenos que con arrouto, imaxinación e intelixencia fan historias moi grandes.

Idade: de 3 anos en adiante.

Duración: 35 minutos.

É necesario recoller invitación.

Narración oral do conto O sapito que non quería comer. A través da estimulación sensorial e da narración os nenos e nenas desenvolverán os seus sentidos e poñeranse en contacto coa compaixón e o respecto á vida dos animais cunha historia tenra e sensible que toca un tema actual.

Duración: 45 minutos.

Capacidade: 25 nenos/as acompañados cada un por un adulto.

Inscrición previa.

De 0 a 3 anos.

Sinopse: Traxugas son e como traxugas me criei, e como bo traxugas moitos contos contarei. Así é como me chama a miña avoa e así é como dende a tradición ata a actualidade compartiremos unha longa viaxe. Temos convidados moi especiais: un raposo que de vez en cando esquece as cousas, algunha que outra gata danzarina que monta unha boa festa subindo ás árbores e moitas sorpresas que aínda quedan por descubrir traxugueando contigo. Súmate ao noso camiño! 

Duración: 45 minutos.

Capacidade: 35 nenos/as.

Inscrición previa.

A partir de tres anos.

Sinopse: Era outono, camiñaba eu por unha fermosa fraga cando, de súpeto, caín nunha poza! Tremenda choupada!  Dentro da auga atopei un ovo grande; dende o seu interior, uns ollos saltóns mirábanme.

Contos para bebés con obxetos e monicreques.

Duración: 30 minutos.

Capacidade: 25 nenos/as acompañados cada un por un adulto.

Inscrición previa.

De 0 a 3 anos.

Actividade de narración oral que recolle a tradición oral e escrita galega. 

Contos baseados en mulleres que protagonizaron a historia cotiá e marcaron o futuro. Cancións de berce, poesía, contos das avoas, de ilustradas e non tanto. Un pequeno homenaxe a todas as avoas e particularmente a Minia Senín, personaxe de María Victoria Moreno Márquez, a quen se dedica en 2018 o Día das Letras Galegas.

Para todos os públicos, a partir de 5 anos.

Manoele de Felisa, cantautor galego con diferentes traballos publicados, ofrece unha actividade para lles achegar aos cativos e ás cativas o mundo da poesía a través das súas interpretacións musicais, así como algunha sorpresa lúdica para manter a atención.

María Victoria Moreno, Xosé Neira Vilas ou Rosalía de Castro serán algúns dos poetas que o público coñecerá a partir da voz do cantautor.

Para nenos e nenas de entre 3 e 12 anos.