Contacontos/Narración oral

Cando chove miudiño, o mellor son uns contiños... 

Sesión de contos para bebés acompañados das súas familias da man de Fátima Villamel que nos encherá de historias, de cantos, de rimas, de risas...   E se chove, deixa chover. Duración: 30 minutos

Para rapaces de 1 a 3 anos. Inscrición previa chamando ao 988 78 83 95 ou presencialmente na Sala Infantil dende o luns anterior ás 10 h. 

Durante a realización da actividade a sala permanecerá pechada (aproximadamente de 12 a 13 h).

Unha festa para divertirse en galego, cantar, bailar e rir escoitando os mellores temas feitos en Galicia para os máis pequenos da casa. Unha bibliodiscoteca itinerante onde os protagonistas son os convidados, que veñen a pasalo moi ben.

Espectáculo a través do que se dará a coñecer aos asistentes a homenaxeada nas Letras Galegas 2018, María Victoria Moreno.

Sinopse: Aparece na biblioteca un caixón cheo de libros, xoguetes, chapeus, fotografías, follas escritas... Un verdadeiro tesouro que levará ao espectador a coñecer o mundo cheo de historias creado e soñado por María Victoria Moreno. 

Recital poético, pictórico e escénico a cargo do artista Marcelino de Santiago (Kukas). Co apoio de distintos recursos artísticos, como a pintura en directo, obxectos e monicreques, o artista recitará varios poemas do libro De trebellos, perellos e fedellos, do que é autor e ilustrador. A continuación os nenos asistentes serán convidados a crear e ilustrar o seu propio poema.

A Sociedade Cultural Medulio encargarase de recitar poemas dos autores galegos Rosalía, Pondal e Manuel María.

Carmiña, meiga e poetisa, vive nos montes rodeada de beberaxes e herbas máxicas. Os seus conxuros fan tremer á poboación...mais non sempre lle saen moi ben. Canta e conta á natureza, así é que ten unha chea de amigas que a acompañan.

Para nenos e nenas de 3 a 12 anos.

Sesión de contos para achegar ás nenas e nenos a figura de María Victoria Moreno, o seu mundo divertido cheo de amor pola lingua galega, os animais, as viaxes, o mar... Contos cheos de preguntas, para que o público interactúe, inventando e enchendo de vida os contos contados.

Puño, puñete é un espectáculo de música en directo, cantigas, contos e tradición oral e así, partindo de "—Puño, puñete, que tes por dentro? —Pan e fermento! —Puño, puñete, que tes por fóra? —Pan e cebola!”, Baobab convida aos cativos/as cos seus papás e mamás a descubrir un mundo de sensacións e emocións.

O espectáculo está pensado para os máis pequenos/as, e apoiado cun disco. En Baobab Teatro cren na palabra, na música e as cantigas como medio de comunicación desde que nacemos, desde o berce.

Recomendado de 1 a 7 anos.

Percorridos de historias pola cidade, historias de Camerún, Portugal ou Galicia e roldas de narradores son algunhas das actividades que ofrece o Setefalares,  o Encontro Internacional de Contadores de Historias que acolle en xuño Pontevedra. 

O programa conta con actividades de balde e de pago e tamén con algunhas para público familiar e outras para público adulto.

Sesión de contacontos a cargo da Federación de Asociacións de Persoas Xordas de Galicia (FAPXG), para nenos e nenas de 6 a 12 anos. 

Integrantes da FAPXG interpretan contos na lingua de signos para os que non poden ouvir e en voz alta para os demais.

No salón de actos, a entrada é libre ata completar a capacidade da sala.