Desde a AELG recollemos a lectura dun texto de Ricardo Carvalho Calero, por parte de Rafael Fernández Lorenzo, no marco da homenaxe ao autor ferrolán proposta desde a área de Patrimonio e Lingua da Deputación de Pontevedra en colaboración coa AELG.
Dende a AELG recollemos a lectura dun texto de Ricardo Carvalho Calero, por parte de Montse Fajardo, no marco da homenaxe ao autor ferrolán proposta desde a área de Patrimonio e Lingua da Deputación de Pontevedra en colaboración coa AELG
Un rei ambicioso e ruín que pasa as horas contando as súas riquezas; un home e unha muller máis pobres que as arañas; unha aldea de labregos enganados polo monarca; e unha pota que vai dun sitio a outro apañando e repartindo entre os máis desfavorecidos o que, en xustiza, lles corresponde. Estes son os ingredientes desta divertida historia tradicional danesa, escrita probablemente coa idea de entreter e consolar a todos os que só dispuñan da fantasía para conxurar o destino.
Ledicia Costas é unha escritora galega licenciada en Dereito pola Universidade de Vigo. Empezou a escribir desde moi nova, sendo unha autora versátil que transita os máis diversos temas, estilos e xéneros. A súa primeira novela publicada foi Unha estrela no vento (Edicións Xerais 2000), libro que escribiu cando era unha adolescente e que actualmente vai pola 17ª edición.
Mentres cursaba os seus estudos de Dereito gañou diversos premios literarios convocados pola universidade, tanto de relato como de poesía.
Paula Carballeira, nacida e criada en Maniños (Fene), aínda que despois de licenciarse en Filoloxía na Universidade de Compostela, quedou a vivir en Compostela. Narradora oral profesional desde 1994, actriz e escritora.
Ten participado nos principais festivais de narración oral nacionais e internacionais (Portugal, Polonia, Francia, Cabo Verde, Colombia, Perú, Ecuador, México, Costa Rica...). Ademais, mantén actividades regulares en bibliotecas e centros de ensino.
Andrea Bayer é coñecida como contadora de historias, actriz, guionista e directora de teatro. Comezou a súa andaina no ano 1999 e como contadora participou nos inicios de varios proxectos de animación á lectura, como son O salón do libro Infantil e Xuvenil e Pontevedra e A hora do conto de Pontevedra, ademais de recibir unha Mención de honra pola súa historia Dona Margarita e lúa
Bea Campos é actriz, narradora e directora teatral. Licenciada en arte dramático pola ESAD de Galicia onde recibiu o premio de interpretación Marta Sieiro. Dende moi nova comezou a contar contos, realizou milleiros de actuacións e puido levar os seus contos ata o outro lado do mar, participando como o Festival de Artes Escénicas del Caribe en Colombia.
Po e Xía é un conto creado polas poetas María Lado, que se encargou da escrita, e Lucía Aldao que fixo as cancións. Con el, as escritoras queren homenaxear a todas as autoras e autores que coas súas obras converten a infancia nun territorio especial e único. Está dirixido a nenas e nenos a partir de seis anos.
Carles García Domingo, de Zarándula SC, trae divertidos contos para escoitar xuntos en familia, neste caso, La niña lista. Enmárcase dentro de #AfundacionEnCasa, unha iniciativa de Afundación, con emisións en directo, novidades diarias, actualizacións permanentes e un fondo vivo integrado por máis de 300 recursos educativos, sociais, culturais, de acompañamento telemático e de voluntariado.
O obxectivo é o de seguir aprendendo e compartindo tempo cos teus sen saír da casa durante as medidas decretadas a causa do Covid-19.
A Cidade da Cultura súmase, como cada 17 de maio, á celebración das Letras Galegas, este ano dedicadas a Ricardo Carvalho Calero, figura á que tamén queremos homenaxear e festexar neste gran día desde o Gaiás, contribuíndo a poñer en valor o seu labor para dignificar o idioma e a cultura galega e o seu prolífico traballo como historiador da literatura, crítico literario, filólogo e escritor.
