Nano recibe unha visita moi especial o día do seu aniversario. Está todo preparado: a torta, as candeas, os globos. Só faltan os amigos, a que xogaran? Ao rematar terá que se bañar e descubrirá o divertido que é coñecer as partes do seu corpo ao ritmo da música.
Duración: 35 minutos. Na ludoteca, para 20 nenos e nenas de 0 a 3 anos.
Narración dun conto acompañado dun intérprete en lingua de signos e un taller de aprendizaxe dos signos do vocabulario máis significativo do conto a través de xogos visuais e de participación.
Duración: 30 min. Na Ludoteca, para 25 nenos e nenas de 4 a 12 anos.
"Que bela e caprichosa é a alegría", dicía Rosalía de Castro. Para proba, a que produce Raquel Queizás co seu orixinal contacontos.
O argumento deste espectáculo de narración oral é o seguinte: búscase nena moi imaxinativa, á que lle encante facer teatro e xogar coa poesía na nosa lingua. Será unha gran escritora de maior e escribirá con pluma e corazón.
Será... Rosalía de Castro!
Para nenos e nenas de 3 a 12 anos. A entrada é libre ata completar o aforo.
Data: 23 de febreiro
Horario: Ás 12:00 horas
Contacontos en LINGUA DE SIGNOS
Miguel e Blanca, membros da FAXPG (Federación de Asociacións de Persoas Xordas de Galicia), volven á Biblioteca cos seus entretidos contos en lingua de signos.
Unha actividade pensada para todos os públicos, non oíntes ou si.
Data: 25 de maio, ás 12:00 horas
Lugar: Na Ludoteca da Sala infantil e xuvenil
Entrada libre ata completar o aforo.
O meu neno pequeno /
quérese durmir. /
Cántanlle os galos, o kikirikí.
Olga Cuervo tráenos contos, cancións, poemas e adiviñas para durmir.
Este "bebecontos" está baseado en todo aquilo que rodea o sono. Porque a hora de durmir é moi importante a idades tenras, tratará de axudar a pais e nais dándolles recursos para que lles sexa máis doado.
E, por suposto, farao de forma amena e divertida para captar a atención dos e das máis pequenos/-as.
Os ratos de Lonxedetodo son moi viaxeiros. Fuco vén de pasar unha temporada na selva, e alí puido observar con desagrado como impera a lei do máis forte. Basicamente, observou que na selva faise... o que lle peta ao seu rei, o león.
Este é o novo e divertido contacontos de Trinke Trinke, dirixido a nenos e nenas de 3 a 8 anos. A entrada é libre ata completar o aforo.
Data: 2 de febreiro
Horario: Ás 12:00 horas
Lugar: Na Ludoteca da Sala infantil e xuvenil
Sesión de contos e obradoiro de debuxos a cargo da compañía Polo Correo do Vento para nenos e nenas a partir dos 3 anos.
Nano é maior e dá grandes chimpos de ra, Nona, a súa irma pequena, cae, non sabe, e rise dela. Nano ten ciumes de Nona, “Agora, -pensa-, todos os agarimos son para Nona, Nona para aquí, Nona para alá”. Nano quere volver ser pequeño outra vez… Sesión de contacontos con obxectos e monicreques para bebés.
Duración: 35 minutos.
Nenos e nenas entre 0 e 3 anos.
Sesión de contos para bebés na que se integran música en directo, literatura infantil, expresión dramática e tradición oral. Os cativos e cativas poderán escoitar contos, cancións e arrolos ata encher a barriguiña nesta proposta para bebés na que gozar en familia.
Con inscricións a partir do 7 de xaneiro, luns, na biblioteca, na planta baixa (información) ou por teléfono 886 159 250 de 9:00 a 20:30h.
25 bebés, que poderán ir acompañados dun adulto.
Para bebés de 0 a 3 anos.
Veño de lonxe sobre o mar de escuma e prata, do lugar onde a Lúa baila polas noites coas melgas. Na miña maleta traiovos historias. Historias para escoitar e ulir, salgadas coma as personaxes incribles que me acompañan. O meu nome é Manuel Antonio. Son mariño. Son poeta.
Duración: 45 min.
