Hai quen escoita sentado, hai quen escoita de pé, quen o fai do dereito e quen o fai do revés. Viches as nubes entre os teus pés? E a auga subir por unha parede? Os contos de hoxe non teñen cabeza nin pés, mírelos por onde os mires, nin o un, nin o dous, nin o tres. Duración: 45 minutos aprox. De 0 a 3 anos. Inscrición previa na biblioteca ou no tfno. 886 120 440.
Explicar a través dun conto, como a ciencia está connosco no día a día. Como xuntando dúas cores primarias conseguimos unha nova cor. Ou que se xuntamos auga e aceite non conseguimos mesturalos, así como outros moitos experimentos que podemos facer en casa. Duración: 45 min. aprox. A partir de 4 anos. Inscrición previa na biblioteca ou no tfno. 886 120 440.
Todo indica que o futuro da lingua galega é incerto. Malia os niveis de protección legal do idioma, e case dous séculos de rexurdimento civil e literario, o descenso de falantes é evidente, con grande incidencia nas novas xeracións de galegas e galegos. Pero alén e aquén das análises socio-lingüísticas, a lingua segue viva e reclama o seu lugar natural nas nosas vidas. Atravesada por conflitos de longa data e certamente mareada polos avatares da política, a lingua espera sempre por nós nalgún punto do camiño.
Elenco: Pedro Brandariz Gómez
Familia? Non grazas é un espectáculo no que o monologuista, Pedro Brandariz, analiza dunha maneira cómica as relacións familiares que se dan entre as fillas e fillos e as nais e os pais, e tamén coas avoas e avós, as irmáns, os curmáns, a familia de lonxe, a familia de cerca … Todo esto dende un punto de vista humorístico e teatral que provocará as gargalladas do público.
A Biblioteca Pública da Coruña Miguel González Garcés dálle a benvida de novo ao "Contacontos en lingua de signos".
Miguel e Branca, da Federación de Asociacións de Persoas Xordas de Galicia (FAPXG), interpretarán contos en lingua de signos para entreter aos nenos e nenas que non oen e interpretaranos en voz alta para o resto.
Para nenos e nenas de 6 a 12 anos. Entrada libre.
Data: 19 de xaneiro, ás 12:00 horas
Lugar: Na Ludoteca da Sala Infantil
A roupa e o calzado non só nos tapan do frío e das vergonzas, tamén nos identifican como persoas. Aí radica a súa importancia na vida... e nos contos.
Contos para vestir e desvestir como roupa de abaixo e roupa de garda. Contos para todos os días e contos para as festas.
Só fan falta rapaces e rapazas que os acompañen.
Anímaste a este desfile de contos onde a indumentaria de fantasía é un modelo de alta costura?
Data: 12 de xaneiro, ás 12:00 horas
Lugar: Na Ludoteca da Sala Infantil
Nesta ocasión, Leo Leiño virá acompañada dun Paxe dos Reis Magos, para que a axude a realizar una maxia moi, moi de nadal Papá Noel e os Reis Magos, e por suposto os dulces navideños estarán presentes nos trucos que Leo nos trae nesta ocasión.
Daboapipa narra unha recollida de historias que non deixan esquecer os máis maiores, eses avós e avoas sempre presentes, coa palabra preparada para saír en calquera momento pola boca, con contos para pacientes, para impacientes, para o demo, para tremer de medo, para o mal tempo boa cara e para amarse e durmir quentiños.
Unha proposta para nenos e nenas de 6 a 10 anos e as súas familias creada, composta, cantada e contada por Vero Rilo e Carlos Quintá. 45 minutos de contos cos que todos medramos e aprendemos a pasar pola vida.
Difícil escoller pero Carlos Blanco decide revisar algúns dos seus máis coñecidos monólogos: As bravas da Arousa (Queres Kiwis?), A dobraxe porno, Galizara, As grandes frases das nosas avoas e avós...
Por que gardamos cachiños de papel, a vara queimada dun foguete, unha conchiña da praia, flores, unha pedra, anacos de tea...?
Non son só obxectos que gardamos en caixiñas senón historias dos invernos na aldea, as festas, os veráns na praia, que as veces desaparecen en recunchos. Ata que un día, buscando outra cousa, atopamos a caixiña, abrímola, e todas esas historias agroman de novo en nós.
Nesta sesión Ramiro traerá a súa propia caixiña chea de obxectos perdidos, da que brotarán contos sen fin.
Para nenos e nenas de 4 a 8 anos.
