A cargo de Mai Lúa. Ao caer do día, no lusco e fusco, as historias saen do maxín. Historias perdidas na lembranza do tempo, de seres que moran nos bosques e estraños acontecementos envoltos nas brumas do pasado. Para nenos e nenas a partir de 3 anos. Entrada libre ata completar a capacidade da sala
Kenka un kenko! pediu a nena. Kenka un kenko!! berrou a nena. Kenka un kenko!!! chorou a nena. E tan pronto como escoitou o “Había unha vez…” a nena calou e sorriu.
Hoxe é muller e nai pero daquela, xa fai décadas, tamén foi unha nena, esperta e activa. E foi naqueles seus primeiros anos nos que despois de dicir “papá” e “mamá”, pedía, é máis, esixía, cada noite, ao ir durmir e con esas verbas tan fantásticas que só os máis pequenos son capaces de crear, que lle contaran un conto. Un ou dous ou tres…
So this month we will be learning about animals: what animals live on the farm, what they do on the farm and what noises they make. We will make a sculpture with plasticine of their favourite animals to take home. // Este mes aprenderemos cousas sobre os animais: que animais viven na granxa, que fan nela e que ruídos fan. Faremos unha escultura con plastilina do animal favorito de cada un para levar para casa.
Duración: 60 minutos aprox.
Inscrición previa. A partir de 3 anos.
É necesario recoller invitación.
É unha peza en clave de contacontos en homenaxe ao historiador e xeógrafo Antón Fraguas, onde narramos a través do teatro de papel e do Kamishibai tradicional xaponés, un guión baseado en varias lendas e mitos tradicionais galegos.
Duración: 45 minutos.
Idade: de 4 anos en adiante.
É necesario recoller invitación.
Historias de paz entre xente que vive en terras diferentes, pero tamén entre veciños, entre irmáns, aínda que a súa raza sexa diferente, historias de esperanza para todos os que desexen celebrar e herdar un mundo en paz.
Idade: de 4 anos en adiante.
É necesario recoller invitación.
Duración: 45 minutos.
Unha sesión de contacontos para os máis cativos para escoitar … rir … e soñar.
Idade: de 4 anos en adiante.
É necesario recoller invitación.
Sesión de contos e obradoiro de debuxos a cargo da compañía Polo Correo do Vento para nenos e nenas a partir dos 3 anos.
Nano está moi feliz, naceu a súa irmá máis pequena, Nona, e vai coidar dela. Pero ao chegar a noite Nano non quere ir á cama. Nano ten unha misión, conseguir durmir a Nona sexa como sexa.
Con inscricións a partir do luns 22 de abril na biblioteca (información) ou por teléfono 886 159 250 de 9:00 a 20:30h.
25 bebés, que poderán ir acompañados dun adulto.
Lugar: Sala de obradoiros
Para bebés de 0 a 4 anos.
Acompañade o músico e actor Paco Nogueiras cos seus instrumentos e a súa querida “Máquina” nunha divertidísima viaxe chea de humor, baile e cancións. As alegrías, as amizades, os libros, a poesía, a ecoloxía, as festas do ano(o magosto, o samaín, o entroido, o nadal) e o respecto á nosa lingua serán parte da equipaxe. Unha fantástica oportunidade de brincar e de pasalo ben cos amigos e amigas nun particular camiño onde a música soa con forma de sorriso.
No salón de actos, ata completar aforo. Duración: 55 minutos
No mundo dos bichos todos teñen unha función. Abre ben as orelliñas e presta moita atención.
Sesión na que a través dos contos, obxetos e cancións trasladamos ao bebé ao marabilloso mundo dos animais.
Para 20 nenas e nenos de 0 a 3 anos na ludoteca. Duración: 30 minutos
