Contacontos/Narración oral

A historia comenza recuperando a cultura tradicional do “espertar das augas”, continuando o ciclo da auga a través do percurso dun río (O Minho).

Duración: 45 minutos.

É necesario recoller invitación.

Cando chove miudiño, o mellor son uns contiños. Se chove a caldeiros, contarémolos por milleiros.
Xa caen as primeiras pingas, pinguiñas que nos han de mollar. Que veña logo, ímolas escoitar!

Para nenos e nenas de 4 a 12 anos.

É necesario recoller invitación

Con este espectáculo intentamos achegar historias da tradición oral galega partindo de textos de Rosalía de Castro a nenos e nenas mantendo as historias e trocando  o xeito de achegalas.

Duración: 45 minutos. Para 30 nenos e nenas de 4 a 12 anos na ludoteca.

Nano recibe unha visita moi especial o día do seu aniversario. Está todo preparado: a torta, as candeas, os globos. Só faltan os amigos, a que xogaran? Ao rematar terá que se bañar e descubrirá o divertido que é coñecer as partes do seu corpo ao ritmo da música.

Duración: 35 minutos. Na ludoteca, para 20 nenos e nenas de 0 a 3 anos.

Narración dun conto acompañado dun intérprete en lingua de signos e un taller de aprendizaxe dos signos do vocabulario máis significativo do conto a través de xogos visuais e de participación.  

Duración: 30 min. Na Ludoteca, para 25 nenos e nenas de 4 a 12 anos.

"Que bela e caprichosa é a alegría", dicía Rosalía de Castro. Para proba, a que produce Raquel Queizás co seu orixinal contacontos.

O argumento deste espectáculo de narración oral é o seguinte: búscase nena moi imaxinativa, á que lle encante facer teatro e xogar coa poesía na nosa lingua. Será unha gran escritora de maior e escribirá con pluma e corazón.

Será... Rosalía de Castro!

Para nenos e nenas de 3 a 12 anos. A entrada é libre ata completar o aforo.

Data: 23 de febreiro

Horario: Ás 12:00 horas

Contacontos en LINGUA DE SIGNOS

Miguel e Blanca, membros da FAXPG (Federación de Asociacións de Persoas Xordas de Galicia), volven á Biblioteca cos seus entretidos contos en lingua de signos.

Unha actividade pensada para todos os públicos, non oíntes ou si.

Data: 25 de maio, ás 12:00 horas

Lugar: Na Ludoteca da Sala infantil e xuvenil

Entrada libre ata completar o aforo.

O meu neno pequeno /
quérese durmir. /
Cántanlle os galos, o kikirikí.

Olga Cuervo tráenos contos, cancións, poemas e adiviñas para durmir.
Este "bebecontos" está baseado en todo aquilo que rodea o sono. Porque a hora de durmir é moi importante a idades tenras, tratará de axudar a pais e nais dándolles recursos para que lles sexa máis doado.
E, por suposto, farao de forma amena e divertida para captar a atención dos e das máis pequenos/-as.

Os ratos de Lonxedetodo son moi viaxeiros. Fuco vén de pasar unha temporada na selva, e alí puido observar con desagrado como impera a lei do máis forte. Basicamente, observou que na selva faise... o que lle peta ao seu rei, o león.

Este é o novo e divertido contacontos de Trinke Trinke, dirixido a nenos e nenas de 3 a 8 anos. A entrada é libre ata completar o aforo.

Data: 2 de febreiro

Horario: Ás 12:00 horas

Lugar: Na Ludoteca da Sala infantil e xuvenil

Sesión de contos e obradoiro de debuxos a cargo da compañía Polo Correo do Vento para nenos e nenas a partir dos 3 anos.