Contos recolleitos en distintos pobos de Galicia, contos alegres e tristes, curtos e longos, de mulleres e de homes, de animais e de plantas, de todo e de nada, unha forma de mergullarse na maxia dos nosos costumes e pensamentos. Como asistir? Para gozar do espectáculo será imprescindible reserva previa a través do teléfono: 981 543 005
Valentín soña con saír do carrusel onde día a día pasea a tantos nenos e neas. Soña con galopar lonxe, ata o río e máis alá. A lúa, que sabe dos seus sonos, unha noite faralle un agasallo moi especial ...
Contaconto para bebés de 1 a 4 anos que deberán estar acompañados dun adulto. As prazas son limitadas polo que é necesaria a inscrición previa chamando ao 988 788385.
Neste espectáculo collen todo tipo de contos: os participativos, os improvisados, os da tradición oral galega e tamén as historias con bonecos. O xeito de contar de Prego é moi visual e aliméntase principalmente de fontes literarias. Nas súas historias sempre hai maxia e poesía e nunca falta un elemento de comicidade sutil. Despois da contada teremos uns petiscos!!!
Actividae para público adulto. As prazas son limitadas polo que é necesaria a inscrición previa chamando aos 988 788385 / 86
Santi Prego
Un ano máis participamos no Festival Atlántica neste caso cun contacontos para os máis pequenos da casa de 0 a 3 anos a cargo de Marta Ortiz.
Soprando a nosa buguina, comezaremos a viaxe polo mar. Visitaremos illas onde viven caracois, galiñas poñedoras e vacas. Regaremos a herba. Xogaremos coa marea que sobe e baixa. Cantaremos cancións sobre a lúa e faremos barcos de papel para continuar viaxando lonxe. Brincamos coa imaxinación recreando animais con obxectos, barcos e illas de papel, un mar de tea ao son da música e as palabras.
No marco do Festival Atlántica teremos o contacontos en galego e castelán “Contos da miña terra“ a cargo de Marcelo Ndong. Para nenas e nenos de 3 a 8 anos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade que, se as condicións meteorolóxicas o permiten, realizarase no xardín exterior da biblioteca.
Primeiro temos que saber como é o medo: grande ou pequeno, dos que aparecen cando non hai ninguén ao teu carón, dos que lle gustan a escuridade, dos que prefiren dar sustos? Para cada medo hai un remedio, e mesmo hai remedios que valen para todos: a risa, a música, a luz, mirar o medo cara a cara, fronte a fronte, directamente aos ollos. Cando pensamos que perdemos a valentía nalgures, os contos axúdanos a recuperala. Só hai que lembrar o que lles aconteceu ás e aos protagonistas destas historias, non moi lonxe de aqui, non hai moito tempo.
Nano canta croac cando está contento, pero hoxe está moi calado. Que lle pasa a Nano? Ás veces non é fácil saber como sentimos. Estamos tristes ou enojados? Imos pescudar. Un conto musical para axudar os máis pequenos a expresar como senten.
Actor, contador, monologuista, tradutor... Avelino González é o que faga falta. Empezou nisto por casualidade e agora gústalle mesmo picar entradas. Gústalle entreter á xente con personaxes e historias que emocionen e divirtan, porque a el tamén lle gusta que o emocionen e divírtano. En televisión actuou en series como Serramoura, Pazo de Familia ou Pai Casares para a TVG e en TVE1 en Hospital central, Cóntame ou Seis irmás. Ademais de diferentes traballos para cinema ou series web.
Unha viaxe polas terras da Galicia, Portugal e do Brasil para contar, cantar, bailar e saltar cos contos da tradición oral e a música. A partir das cancións do libro de Zeca Afonso para crianzas (editado polas Escolas de Ensino en Gallego Sementar) e unha selección de contos populares queremos festexar e reivindicar a universalidade e potencialidade da nosa lingua. Reserva o teu billete! Estades preparadas?
Polo mar abaixo
vai unha formiga
cunha man na cabeza
e outra na barriga...
Gozaremos vendo as primeiras adaptacións cinematográficas inspiradas nos contos marabillosos e nos libros clásicos da literatura. O obxectivo é facerlles ver ás crianzas e as súas familias que esas historias que coñecen poden contarse de diferentes maneiras. Que descubran que o cinema mudo é unha expresión que pode resultar moi divertida. Non faltará aventura, humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cinema. O cinema tamén se le.
