Contacontos/Narración oral

Un ano máis participamos no Festival Atlántica neste caso cun contacontos para os máis pequenos da casa de 0 a 3 anos a cargo de Marta Ortiz.

Soprando a nosa buguina, comezaremos a viaxe polo mar. Visitaremos illas onde viven caracois, galiñas poñedoras e vacas. Regaremos a herba. Xogaremos coa marea que sobe e baixa. Cantaremos cancións sobre a lúa e faremos barcos de papel para continuar viaxando lonxe. Brincamos coa imaxinación recreando animais con obxectos, barcos e illas de papel, un mar de tea ao son da música e as palabras.

No marco do Festival Atlántica teremos o contacontos en galego e castelán “Contos da miña terra“ a cargo de Marcelo Ndong. Para nenas e nenos de 3 a 8 anos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade que, se as condicións meteorolóxicas o permiten, realizarase no xardín exterior da biblioteca.

Primeiro temos que saber como é o medo: grande ou pequeno, dos que aparecen cando non hai ninguén ao teu carón, dos que lle gustan a escuridade, dos que prefiren dar sustos? Para cada medo hai un remedio, e mesmo hai remedios que valen para todos: a risa, a música, a luz, mirar o medo cara a cara, fronte a fronte, directamente aos ollos. Cando pensamos que perdemos a valentía nalgures, os contos axúdanos a recuperala. Só hai que lembrar o que lles aconteceu ás e aos protagonistas destas historias, non moi lonxe de aqui, non hai moito tempo.

Nano canta croac cando está contento, pero hoxe está moi calado. Que lle pasa a Nano? Ás veces non é fácil saber como sentimos. Estamos tristes ou enojados? Imos pescudar. Un conto musical para axudar os máis pequenos a expresar como senten.

Actor, contador, monologuista, tradutor... Avelino González é o que faga falta. Empezou nisto por casualidade e agora gústalle mesmo picar entradas. Gústalle entreter á xente con personaxes e historias que emocionen e divirtan, porque a el tamén lle gusta que o emocionen e divírtano. En televisión actuou en series como Serramoura, Pazo de Familia ou Pai Casares para a TVG e en TVE1 en Hospital central, Cóntame ou Seis irmás. Ademais de diferentes traballos para cinema ou series web.

Unha viaxe polas terras da Galicia, Portugal e do Brasil para contar, cantar, bailar e saltar cos contos da tradición oral e a música. A partir das cancións do libro de Zeca Afonso para crianzas (editado polas Escolas de Ensino en Gallego Sementar) e unha selección de contos populares queremos festexar e reivindicar a universalidade e potencialidade da nosa lingua. Reserva o teu billete! Estades preparadas?

Polo mar abaixo

vai unha formiga

cunha man na cabeza

e outra na barriga...

Gozaremos vendo as primeiras adaptacións cinematográficas inspiradas nos contos marabillosos e nos libros clásicos da literatura. O obxectivo é facerlles ver ás crianzas e as súas familias que esas historias que coñecen poden contarse de diferentes maneiras. Que descubran que o cinema mudo é unha expresión que pode resultar moi divertida. Non faltará aventura, humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cinema. O cinema tamén se le.

As aventuras dun príncipe que desexaba vestir de rosa, dunha princesa que quería ser pirata e dunha chea de animais que buscan romper cos estereotipos asignados a cada xénero. Mergúllate nesta historia!

Duración: 45 minutos.

Idade: de 4 anos en diante.

Reserva de praza na biblioteca ou no teléfono 886 120 445.

Contos filipantes, contos cantados e acompañados dunha guitarra. Fran Campos e Filipa, os dous, e cada un ao seu xeito farán posible unha sesión de historias do mundo.

No salón de actos. Para nenas e nenos de 3 a 8 anos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.

Lugar: salón de actos

Raquel Galavís

É necesario apuntarse por teléfono, na propia biblioteca ou a través do formulario da páxina web.

Un crocodilo namorado, unha andaina de animais, un Vexo-Vexo diferente, uns contacontos cantados e unhas cancións para contar... todo dentro dunha proposta para pequenos e grandes que levarán o son dos cantacontos ao corazóns de todos.