O compositor cubano Alejandro Vargas é un pianista especializado en música jazz, comeza os seus estudos musicais aos seis anos, ata chegar hoxe en día a ser un dos máis coñecidos compositores de jazz do país.
Eirín e Milucha son dous irmáns que cada noite traspasan os portóns do Mundo dos soños na nave do afable monstro Suitjar, co que vivirán un feixe de aventuras marabillosas. Un conto ao revés é a historia de cada un dos soños destes nenos, narrados por un ser próximo a eles. Estas aventuras falan de amizade, respecto á natureza, lecer saudable, a igualdade de xénero e o fantástico mundo das ensoñacións. Todo acontece a través dunha fantástica banda sonora composta de cancións de corte pop e rock. Para bailar, cantar e pasar unha velada xenial.
Félix Rodríguez, Pepe Varela, Diego Rosal e Pablo Cabanelas. Píscore son catro prestixiosos músicos fronte a un grande conflito: 16 baquetas e unha soa marimba. Catro músicos dispostos a facela soar do xeito máis orixinal e abraiante. Organizarse xa non vai ser tan doado.
Píscore achéganos a mellor música e moito humor para un concerto singular nunha proposta que se encadra na liña dos grandes espectáculos que mesturan o virtuosismo musical e os ritmos coa comedia xestual.
Cando a paixón, o coñecemento e a experiencia se unen, o resultado sempre é único. Iso é exactamente o que ocorre cando baila Isaías Salazar acompañado por Miguel Flores á guitarra e Sandra Calderón ao cante.
Estes tres artistas con elegancia, pero sen límites expresivos, lévannos de viaxe por un mundo de ritmo, movemento e beleza, tan espontáneo como fácil de apreciar por calquera tipo de público. Neste espectáculo, baile, cante e guitarra únense como elementos esenciais do flamenco máis honesto, expresándose na dualidade entre a tradición e a vangarda desta arte.
ELE ( Elena Iturrieta) presentando o seu primeiro traballo denominado " Summer Rain". Un concerto de soul e blues, con aires de folk americano, na compaña da súa banda e o coro gospel. Unha delicia para todolos públicos
A banda de rock alternativo Maneida, actúa na Sala Super8 de Ferrol o venres 4 de agosto desde as 22:30, ademais contan con entrada gratuíta. Esta banda nace no territorio de Ferrolterra no ano 2014 e o seu estilo representa unha mestura entre rock e pop. Están pendentes de presentar o seu primeiro disco este mesmo verán e cada día contan cun maior número de seguidores. Os integrantes do grupo son Nelson Gómez, Julián Martínez, Javier López e Eduardo Núñez.
Camerata Lirica para este 2017 acomete a espectacular e dramatica ópera Carmen, en formato adaptación escenificada.
Ópera que conta cunha formacion de 6 voces solistas e acompañamento de piano. Traxes de epoca, mobiliario e proxeccións.
A ópera Carmen composta de G. Bizet é unha de óperas máis representadas de todos os tempos, xunto á Frauta Magica e A Traviata, o que indica a súa vixencia e o exito que segue alcanzando dende a súa estrea en Paris en 1875.
Dende terras galegas e para toda a galaxia unha nova explosión de son e enerxía positiva, unha reacción en cadea que ameaza con sacudir a mecánica dos vosos corpos cun forte boom! de ritmo triturador e boas vibracións..ska,reggae,funk,rock,balkan,rap...música para que o público non pare de brincar..festa asegurada..somos pensadores consagrados, a nosa filosofía é universal "love to eveyone" amor para todos.
Despois de case dous anos sen presentar nada novo, Jarabe de Palo vén presentando o seu novo disco 50 PALOS. O concerto será na Praza María Pita o venres 4 de agosto ás 22:30.
Despois de vinte anos ofrecendo a súa musica con grandes éxitos por todo o mundo, a banda latina de rock internacional segue mantendo o estilo das súas cancións tradicionais pero con ritmos actualizados da música de hoxe en día.
Felisa Segade, voz e percusións tradicionais
Xosé Antón Ferreira, gaita, clarinete, voz e percusións
Estevo Lamas, acordeón, voz e percusións
Felisa Segade, Estevo Lamas e Xosé Antón Ferreira (Pepe de Calo), tres músicos de fonda traxectoria no eido da música tradicional, son os impulsores do proxecto Tres Pesos. Tres xeitos de facer, tres adictos á nosa música, tres caras da mesma moeda para pechar o festival De Perto.
