The Excitements é un grupo que nace en Barcelona e o seu estilo musical é o soul, pero co seu toque persoal. Esta banda realizou xiras por Europa, que é algo que sempre quixeron. O grupo goza realizando concertos internacionais e por iso son poucos os eventos que ofrece en España. No escenario, destacan os espectáculos que realizan que non deixan que o público se distraia nin un segundo.
A banda Window Pane fórmase cun grupo de amigos en Ferrol no ano 1995. Ese mesmo ano presentan a súa primeira maqueta Hellzapoppin con seis composicións propias que mesturan o rock co hardcore. A partir de 2006, coa publicación do single This is My Dream, a Fonográfica ofrécelles a oportunidade de exportar a súa música ao resto do mundo e pronto lles conseguen unha actuación en Londres. A partir dese momento comezan a ser famosos internacionalmente.
Durante as festas pódese gozar de todos os tipos de xéneros musicais e entre eles, atopamos o día 28 un concerto especializado en música folk. Este evento realízase na Praza de Amboage e conta coa actuación de diferentes músicos coñecidos. Por exemplo, Kepa Junkera, músico de folk que vén do País Vasco e experto no uso da trikitixa, un instrumento vasco similar a un acordeón, pero de menor tamaño. Tamén participan dous compositores de música folk coñecidos en toda Galicia como Davide Salvado e o músico ferrolán Bellón Maceiras.
Esta banda británica nace a mediados dos anos 90 e nun principio os integrantes do grupo eran Ross e Paul Godfrey, dous irmáns que interpretaban as melodías con multitude de instrumentos e cunha mesa de mesturas como dj, O grupo contaba con Skye Edwards como vocalista, pero en 2003 deixa a banda.
Despois de moitos anos gravando discos con outra vocalista e tras ver o rexeitamento por parte dos fans, finalmente no ano 2009 Skye Edwards regresa á banda.
A coñecida cantante Rosario Flores chega a Ferrol para dar comezo ás festas, despois da lectura do pregón. Esta compositora de orixe xitana, é filla de Lola Flores e O Pescaílla e por iso desde que é moi pequena sempre estivo rodeada de música. Na súa familia hai músicos e actores, por iso considérase unha familia de artistas.
Desde o ano 2012 realiza un papel como xurado no programa televisivo de La Voz, mostrando nese momento as súas habilidades como cantante e coach.
Desde Madrid chega Capitán Bazofia, proxecto musico-teatral e psicomáxico de Nacho Vera, batería e un dos artífices dos discos de Rosvita. Humor, bolero sociópata e moitas, moitas risas! Anda presentando, sempre moi ben acompañado, o seu primeiro disco "Ánimo, Animales".
Esta ópera estréase en Milán en 1831 e é a Ópera de Vincenzo Bellini. Esta versión será como un concerto e poderase gozar a partir das 19:30 horas.
A historia fala dun triángulo amoroso entre varios personaxes e está localizada nun pequeno pobo de Suíza no século XIX. A obra conta coas melodías da Real Filharmonia de Galicia, co director Manuel Coves.
Os intérpretes que participan na obra son:
Achtung Babies U2 Tribute é o grupo que máis se semella, auditiva e visualmente ao coñecido grupo de Bono.
Esta banda leva realizando xiras polo mundo desde 1993 e realizan espectáculos incribles para os amantes de U2 e da súa música. No concerto recompilarán os mellores temas da banda, como With or Whitout You, Discoteque ou Ultra Violet e tamén presentarán as novas melodías do grupo.
Ademais de cantar as súas melodías, realizarán un show que recrea a posta en esecena e os efectos da banda orixinal.
O compositor galego e guitarrista Daniel Minimalia, é un dos músicos máis coñecidos no noso país. Algúns o chaman o Mike Oldfield español e por iso, os seus concertos son o máis esperado. Este artista non ten un estilo musical concreto que o represente se non que nas súas melodías, mestura a música clásica, o flamenco, o folk e o rock sinfónico, entre outros. Por iso non ten un xénero co que se defina.
Zapa Motu é un compositor e músico que nace en Santiago de Compostela e ten un estilo musical de rock. Este cantante está dentro do grupo Zapa! que nace no ano 2015 e desde ese ano van incorporando a novos intérpretes dentro do grupo. Ademais contan con letras orixinais e composicións propias da banda.
