De autor

Carmen Penim presenta con Herdeiras un traballo único, que une música, poesía e danza e audiovisual en torno ó tema da memoria das mulleres. Unha valente aposta pola identidade feminina e o rescate de valores como a solidariedade, a conciencia histórica e a reconciliación. Pero a pesar da temática, lonxe de ser un concerto triste, é dunha grande intensidade, vitalidade e emoción. Un verdadeiro camiño dende a escuridade ata a luz. Catarse e esperanza envoltos na mellor música interpretada principalmente por mulleres.

Luís Emilio Batallán ofrece concerto íntimo-acústico ó ar libre o Día das Letras Galegas 2017 en Vilagarcía de Arousa.

Nesta actuación ofrece clásicos de onte e de sempre na Praza da Liberdade de Carril.

Máis información do concerto: http://www.facebook.com/events/1231349590296790/

O cantautor canario Pedro Guerra ofrece un concerto con cancións procedentes dos seus dous últimos discos, ‘Arde Estocolmo’ e ’14 de ciento volando de 14’.

Pedro Guerra, que foi candidato aos premios Grammy latinos no apartado de Mellor Álbum de Cantautor por ‘Arde Estocolmo’, chega ao Teatro Principal dentro da súa exitosa xira ‘Arde y Vuela’ comezada no 2016 que está a levalo polas mellores salas e teatros de toda España.

Caetano Veloso regresa á cidade da Coruña dentro do ciclo 'Os Imprescindibles', na súa nova xira coa cantante Teresa Cristina.

A cita é o próximo 30 de abril ás 21.00 horas no Palacio de la Ópera.

Entradas á venda no despacho de  billetes da praza de Ourense e ticketea.

Vestido de negro, guitarra en man e rodeado de excelentes músicos, sobre un escenario de bela e sobria escenografía, Paco Ibáñez regala cancións de amor, de puro existencialismo, de loita e resistencia, envolvidas nos ritmos dos instrumentos e a forza da poesía. A súa voz abre para todos e todas unha porta misteriosa e secreta, a silenciosa e cegadora entrada cara á poesía.

Concerto dentro da programación da Semana de poesía salvaxe de Ferrol

Músicas que saen de dentro e de fóra, de sentimentos polos que a vida nos leva e de anécdotas e situacións da cotidianeidade. Entre íntimo e público, entre raibas, dores, alegrías e risas, Sofía Espiñeira irá mudando as emocións e as historía ó tempo que mudan os tirmos da súa guitarra, mergulando ó público nun sentir común. 

Sheila Patricia é unha destacada cantante e compositora galega que conquistou miles de ouvintes tanto en España coma en Latinoamérica e o norte de Portugal coa súa fermosa voz.

Actualmente percorre diferentes e variadas cidades presentando o seu disco "El camino de los sueños" e o adianto do seu próximo traballo íntegramente en galego.

Xoán Curiel interpreta temas propios e músicas doutros poetas galegos, portugueses, casteláns e brasileiros. Un concerto para todos os públicos nun formato íntimo.

Xoán Curiel e Sergio Tannus presentan esta proposta a dúo con cancións do vindeiro proxecto de Xoán Curiel, Estou lá. 

Dúas voces e por outra banda: guitarras españolas, unha guitarra eléctrica, viola caipira ou cavaquinho, son os instrumentos desta proposta acústica.

Espectáculo musical dentro da programación de Cultura no Camiño. Confirmar datas e horas nos concellos onde se representa.

O segundo traballo de Xardín Desordenado titúlase “Aprendendo a ladrar” (Sul 2015) e está adicado exclusivamente a mulleres.

Desde a máis veterana Rosalía ata a benxamina Lucía Aldao, os textos das 17 poetas reflicten a evolución (non só poética) da muller nas últimas décadas; unha aventura histórica que nárrase neste traballo discográfico e nos concertos que o presentarán ao público.