De autor

Folk-Pop de autor cun arrecendo a música minimalista e a sons bucólico-pastorís da vella Europa. Música elegante, modesta e sinxela, surrealismo posmodernista e discurso reivindicativo, metafórico e irónico.
"Premio Opinión" ao Mellor Artista, gañador do "Música Xove", tivo unha nominación aos Premios Mestre Mateo 2013 (mellor video clip) , dous nomeamentos aos Premios Opinión 2013 (mellor disco e mellor artísta), aos Premios Galegos da Música e aos "Premios de la Música Independiente".

Formada na música e no baile tradicional, María Xosé Silvar é profesora e licenciada en Filoloxía Galega e Antropoloxía Social. En 2007 crea xunto a tres amigos Chámalle Xis!, un dos grupos revelación daquel ano e un dos gañadores do concurso A Coruña Son. En 2010 María Xosé Silvar ficha pola produtora carralesa Airapro coa que publica en 2011 Admirando a condición, o primeiro disco de Sés, un proxecto 100% en galego e 100% en feminino. Rockeira e cantareira, comprometida e libre, sentimental e enérxica.

Primeira actuación de Joan Baez en Santiago de Compostela, na que repasará todos os seus clásicos.

A cantante estadounidense é coñecida como 'A raíña da canción protesta' ou 'a madriña do folk' e recibiu innumerables premios e recoñecementos (8 discos de ouro, Grammy honorífico pola súa traxectoria xunto a outros 7 nomeamentos, o International Achievement Award, etc.) por unha carreira sólida e coherente. 

É o disco máis longo de todos os de El Barrio. Consta de 15 temas nos que debulla situacións, sobre todo, da vida cotiá.  Trata os amores e desamores como se fosen un conto, do regreso logo da longa ausencia.  Lémbrase de xente que xa non se lembra de nada, comparte a súa repulsa ao maltrato e tamén ofrece un canto á esperanza. Adica tamén un tema ao seu barrio.

Ben cargado de sons e ritmos flamencos, e coas sempre presentes bulerías e tangos.

É un traballo que logo de tan longa espera ven cargado de ilusións e que será para os seguidores un recordo imprescindible.

Miguel Castro, autodidacta bebedor de fontes tan dispares como Bob Dylan, Silvio Rodríguez, Javier Krahe, ou Adriana Calcanhotto, acariña estilos musicais diversos (bossanova, blues, country, swing, pop, folk), aderezados en ocasións co uso de loops gravados sempre en rigoroso directo.

Crea así un estilo de canción de autor, con poucos pelos na lingua, no que nada predomina, pero no que atopamos intimismo e nudez, rabia, tenrura, calidez e unha boa dose de ironía e sarcasmo moi propia de terras galegas.

Silvia Penide é unha autora e intérprete de cancións moi directas que conectan co público e que empezan a ver a luz no seu primeiro LP.

A finais de 2014 é finalista nos Premios Martín Códax da Música Galega, actualmente encóntrase promovendo Animal de Compañía (Reedición 2014) álbum que reedita tras esgotar varias edicións vendidas e co que segue subindo chanzos e consolidando a súa carreira.

Ademais repasará cancións dos seus traballos anteriores 'Las Erres Dobles' (2010) e 'Desafinante crónica' (2007).

Foi este un disco froito da exploración musical que durante os dous últimos anos realizou o artista e que supón un renacer persoal e profesional, posto que retoma variantes rítmicas cubanas que non son tan coñecidas internacionalmente, pero que para Pablo conforman a esencia do seu substrato musical.

Concerto do cantautor leonés recordando a Rosalía de Castro, a través de temas clásicos baseados nos seus poemas, e tamén novas incorporacións ao seu repertorio de sempre ao redor da poetisa galega.

Xoán Curiel interpreta temas propios e músicas doutros poetas galegos, portugueses, casteláns e brasileiros. Un concerto para todos os públicos nun formato íntimo.

A creatividade musical das Rías Baixas e da Limia conflúen neste proxecto de Factoría de subsistencia.