De autor

Antílopez é un dúo de artistas onubenses, Miguel e Félix, cun novo concepto de canción de autor. Son compositores e intérpretes das súas creacións e espectáculos, cuxa escena é representativa por un toque de post-humorismo. Algúns medios denominárono como "un gen Globetrotter en su música". Un aire desenfadado dentro do virtuoso, próximo e sinxelo dentro do poético, ao que aplican con comicidade unha extensión do que son abaixo do escenario: divagacións, construción e deconstrución de personaxes, improvisación, crítica social e emocional e interactuación co público nos seus directos.

Rita Braga é unha cantante e compositora lisboeta que posúe un repertorio de múltiples estilos que abarca o folk de raíces europeas, o jazz dos primeiros anos ou a música clásica, todos eles tamizados polo son do seu ukelele e a súa singular voz.

De pai catalán e nai aragonesa creceu no barrio obreiro do Poble Sec.
O 18 de febreiro de 1965 estréase con algunha das cancións que escribira no programa de Escamilla Radioscope, de Radio Barcelona.  Incorpórase de inmediato a Els setze jutges, un grupo heteroxéneo de xente que escribía e cantaba en catalán. Os seus primeiros discos, en 1965 e 1966, foron un par de E.P. de catro cancións cada un.
Para celebrar os 50 anos que transcorreron desde entón prepara unha antoloxía moi persoal seleccionando 50 cancións e regrabando a maioría con gran abundancia de dúos.

Rubén Artabe (Ferrol, 1980) inicia a súa carreira musical nos anos 90, formando parte de diferentes grupos de rock da súa cidade natal, onde desenvolve labores de guitarrista, composición e letrista. Durante aqueles anos  integra outras formacións, como as compostelás Neusia ou Fakir. Xa no ano 2013 a súa vida creativa dá un envorco e comeza a andar o seu propio camiño como solista, sen descoidar as colaboracións.

Nos últimos cinco anos Pablo Seijas editou tres discos, dous co seu grupo Misterioso Viaxe Holanda e un en solitario.

Cantante e compositor canadiano, Matthew Mutch naceu en Hamilton (Ontario). As súas cancións son resultado das súas moitas peregrinacións polo Camiño de Santiago.
Matthew camiña só. A súa guitarra é a súa compañía. Escribe sobre o que ve, o que se atopa e, por suposto, sobre o que sente. As súas composicións son ricas en pensamentos de amor, medo, tristeza, alegría e un interminable sentido de admiración. 
Entre os seus discos inclúense os inspirados no Camiño: "Walkin' the Way of St. James" e "Steeltown Pilgrim", que preceden ao seu primeiro disco "Enter".

Rafael Amor nace en 1948 en Buenos Aires (Arxentina) no seo dunha familia de artistas, co que a súa infancia transcorre nun espazo de creatividade. Xa desde neno mantén contacto co público e isto xunto coa guitarra paterna vai ir forxando a súa personalidade. Tras a súa estancia en Valle Hermoso regresa de novo a Buenos Aires. Comezando a súa mocidade relacionarase e coñecerá a outros importantes artistas arxentinos e formará parte do grupo folclórico Los Norteños, participando en diversos festivais.

Fran Pérez NARF, compositor e cantor de longo percorrido, parte do cal está ligado ao entorno do mundo Lusófono.

Desde 2011 dáse a coñecer por todas as salas e vilas de Galicia acompañada pola guitarra e experiencia de Zahori (Javier López de Guereña) e con manoxo de cancións cheas de frescura e enxeño. 
A choiva compostelá baixo a que reside a cantautora pontevedresa inspiran as súas húmidas letras, empapadas de frescura e sorna.

Cunha sorprendente posta en escena e calidade no espectáculo, esta nova xira significa un enorme avance cualitativo e un esforzo do artista para ofrecer o mellor e máis novo aos seus fans. A xira significa tamén o regreso do cantante e compositor malagueño aos escenarios españois para presentar as cancións de TERRAL, disco máis importante e completo da súa carreira co que se encontra no máis alto das listas de vendas, conseguindo xa o Dobre Disco de Platino.