Rede galega de teatros e auditorios

MÚLTIPLE é o novo espectáculo de Antón Coucheiro, un solo de impro onde o protagonista se desdobran e dialoga cos seus alter egos. Somos só unha persoa, ou a nosa personalidade está habitada por múltiples personaxes? 

A través dunha terapia de soños, e das propostas do público, iranse desfiando as historias improvisadas onde os espectadores descubrirán que nun só corpo caben millóns de universos.

Un espectáculo cómico, participativo, improvisado e con música en directo, que foi estreado en Bogotá en xuño do 2015 no marco do festival TIMBO.

A Santi todo lle sae mal. El procura comportarse coma os demais, ten ilusión por ir a  escola coma todo o mundo, por ter un traballo coma todo o mundo e casar con una rapaza coma todo o mundo, pero sempre  sucede algo que acaba deixándolle cara de parvo.
É certo que ten unha tendencia a estar sempre nas nubes. E ás veces queda parvo mirando a ningures. E pensa: “Que fago eu aquí........coma un imbécil”.

Moendo muiñeiras é un espectáculo que xira ó redor da muiñeira, no que se mesturan a partes iguais teatro, baile e música. Os protagonistas da historia farán un percorrido polas catro formas de muiñeiras conservadas a día de hoxe: muiñeira nova, muiñeira vella, carballesa e regueifa, levados por unha apaixoante trama ao ritmo da zanfona e o violín.

Elenco artístico:

• Paloma Lugilde
• Armando Martén
• Nate Borrajo

Espectáculo dentro da Rede Galega de Teatros e auditorios dirixido por Ánxeles Cuña e con Paloma Lugilde, Armando Marten e Ánxeles Álvarez.

Nova produción de A Artística. Trátase dunha peza colectiva elaborada a partir das cantigas de Martín Códax

Ensaio amor é unha peza que a través da música, a danza e o texto aborda o universo feminino das súas creadoras.

Unha violoncellista, dúas bailarinas e unha bebé en escea, reflexionan cos seus cuerpos, coa sú música e verbas sobre sí mesmas como mulleres, artistas, nais e amantes.

Ensaio amor non fala sobre o amor, é un acto de amor; non fala sobre a resistencia, é un acto de resistencia; non fala sobre a maternidade, leva implícita unha realidade.

En 1961 publicouse en Buenos Aires un dos libros máis sobranceiros da literatura galega. O máis editado, lido e traducido. O que todos lembramos con tenrura. O que todos asociamos con algunha vivencia propia ou herdada. Estamos perante unha importantísima celebración para a cultura galega: O 50 aniversario da 1ª edición das Memorias emorias dun neno labrego 

O patrón dun circo no que xa non traballa ninguén debido á escaseza de medios e á crise, verase no deber de parodiar a todos os artistas do show para levantar o espectáculo. Pero, para desconcerto do público, as cousas iranse complicando ao longo do transcurso da representación.

María Fumaça presenta novo traballo, Aire, un proxecto musical de celebración da vida. Os artistas convidan o público a viaxar canda eles no tren máis festeiro que nunca houbo nen haberá.. Nos seus vagóns, o ambiente é sempre de festa porque é unha viaxe entre amigas e amigos.

Deste xeito, fan que os asistentes leven con eles un saquiño cheo de bo humor, de cancións-lambetadas e ritmos-aloumiños, tamén auguiña fresca por se aperta a sede e unha boa dose de espíritu lúdico para viaxar a paso lento e sen destino certo.

A través da música contarase a historia dunha bolboreta que vai polo mundo na procura de algo que lle faga feliz ao seu novo amigo Gali, un neno que vive en África e está moi triste. As e os rapaces asistentes embarcaranse deste xeito nunha viaxe musical arredor do mundo pasando polo Brasil, Cuba, Xamaica, os Balcáns, Os Estados Unidos, Galicia e outros lugares máxicos.

Cantarase co público os retrousos de melodía de variados xéneros musicais como a bossa-nova, o rap, o son cubano, o reggae, o ska...