A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Malvela ofrécennos as cancións que veñen da terra, a cultura das nosas aldeas, os sons de noso. O segredo do éxito de Malvela descóbrese ao velas cantar. Cando danzamos cos ritmos que nos transmite este grupo de mulleres que vai desde os máis de oitenta anos ata os vinte dámonos idea de que a nosa música tradicional non entende de idades, móvenos en todo tempo, forma parte de nós.
Aproveitando a temática mariñeira das aventuras piratas, Tusitala Contacontos propón esta singular actividade: facer unha xymkana de probas e rastreo para pertencer a un bravo grupo de bribóns capaces de saquear unha biblioteca polo seu afán á lectura e habilidades documentais. Ademais, os participantes terán como motivación durante todas as probas a idea de atopar un tesouro real que serán libros de préstamo e moedas de chocolate.
Petit cabaré é un espectáculo realizado por tres artistas da compañía Pista Catro. A idade recomendada para o público é a partir de 4 anos de idade e a duración é duns 90 minutos.
Esta actividade forma parte de Cultura no Camiño que enche de teatro, maxia, música, circo, teatro, danza... as localidades polas que discorren as diversas rutas xacobeas.
Carlos, "o da Belén", é un humilde mago de aldea que vai polas vilas sorprendendo coa súa empatía e o seu sentido do humor. A interacción co público, un ilusionismo sen montaxes espectaculares e grandes doses de retranca son a súa carta de presentación.
Duración: 90 min
O ilusionista Martín Camiña trae un teatro móbil cheo de asombros, ilusións, humor, participación, cordas, escapismo, mentalismo, panos, adiviñacións etc., que darán forma e esculpirán estes encantamentos de rúa.
Duración: 80 min
Despois de doce anos nos que mantivo unha actividade intensa de produción de eventos e espectáculos máxicos, o Mago Antón volve á primeira liña da escena para presentar o seu novo espectáculo Onde está o Mago Antón?, unha nova produción que supón unha volta ás súas orixes nas artes escénicas: o moneco Facundo, aparicións, desaparicións, levitacións, transformacións, mentalismo, manipulacións, cartomaxia… Máis dunha hora de espectáculo concibido para todo tipo de público no que se suceden a un ritmo trepidante ducias de orixinais xogos de maxia.
Dirección: Mago Antón
Dous criados foron condenados de por vida a contar a historia que lles tocou vivir. As loitas irmandiñas, as batallas e desencontros entre nobreza e clero, a vida nos castelos, nas aldeas e nas vilas. A vida cotiá desde a Idade Media contada con emoción.
Dirección: Tero Rodríguez e Lucho Penabade
Duración: 50 min
Para todos os públicos.
José Rodríguez de Vicente, Joselín, é o protagonista dun dos primeiros documentos sonoros do teatro galego (1929-1954), un xograr, en palabras de Paz-Andrade, que soubo enraizar os seus contos na antiga tradición do escarnio popular de mariñeiros e labregos. Tres oradores de renome recrean en palco Os contos de Joselín e asociaranos aos seus propios contos.
Dirección artística: Quico Cadaval
Duración: 90 min
Dirección: Manuel Pombal
Elenco: Marcos Alonso, Suso Pando e Manuel Pombal
Duración: 70 min.
Fulano Mengano e Citano presentan Viva a Crise!!, unha serie de historias que se desenvolven arredor deste tempo difícil que nos toca vivir, adubada con prebe de sátira e actualidade fresquiña do pincho. Todo servido ben quentiño e con moito humor. Porque o humor non pode acabar coa crise pero, si, axudar a pasala.
Coa intencion de malograr a festa e, de paso, molestar o panadeiro, o Demo Esgaerdo rouba a fariña da panadería e foxe con ela ata o seu afastado castelo, máis aló do Bosque das Tebras. Tolin, o fillo do panadeiro, un raparigo un pouco revolteiro, será quen, desta vez, amañe o problema... cun chisco de sorte.
De 3 anos en diante.
Dirección: Lázaro Duyos
Duración: 45 minutos
