Cultura no Camiño

Espectáculo itinerante con lume, confetis, pirotecnia e moitas gargalladas... que procura a implicación do público.

Unha posta en escensa que mestura trapecio, corda e hula-hoops con humor e amor. Un espectáculo moi visual e cunha bonita estética. 

Esta actividade inclúese en Cultura no Camiño, programa coordinado por Turismo de Galicia e pola Consellería de Cultura, Educación e Ordenación Universitaria a través da Agadic (Axencia Galega das Industrias Culturais) para levar música, teatro, danza, maxia, obradoiros para nenos e nenas... nas vilas radicadas en distintas rutas xacobeas.

A Frauta Máxica, baseada na ópera homónima de Mozart, é a ultima proposta de monicreques e música de Viravolta Títeres.

Esta actividade inclúese en Cultura no Camiño, programa coordinado por Turismo de Galicia e pola Consellería de Cultura, Educación e Ordenación Universitaria a través da Agadic (Axencia Galega das Industrias Culturais) para levar música, teatro, danza, maxia, obradoiros para nenos e nenas... nas vilas radicadas en distintas rutas xacobeas.

Obradoiro para que os nenos e nenas aprendan a construír os seus propios xogos de maxia, utilizando sempre materiais sinxelos de atopar ou de refugallo. Todos os materiais utilizados serán proporcionados dentro da carpa.

Chisco, Mucha e Moncho son tres limpadores que comezan unha nova xornada de traballo. Mais un día, vense cativados nunha historia que lles leva a xogar, a enredar, a mesturar, a compartir... E, nun momento da historia, o espectador será consciente de que os personaxes están no conto da Cincenta!

Autor: Rosa Hurtado, Santiago Montenegro e Simón Piñón
Dirección: Manuel Pombal e Santiago Montenegro

A Magnifique Bande dos Homes sen Medo basea o seu repertorio no bo gusto musical á hora de escoller e arranxar as versións, acompanadas de temas de propia factura. Desta forma viaxamos a través do tempo entre Duke Ellington e Frank Zappa facendo paradas nós Skatalites, en Charlie Mingus...
A sua formación:
Alvaro Trillo: Percusión 
Miguel Paz: Percusión
Oscar "Bochu" Barcala: Tuba 
Abel Leonardo: Guitarra
Alex Salgueiro: Organo 
Manuel Espiño: Trombon
Martiño D. Mato: Saxo Tenor
Manuel Paino: Trompeta

Toda a acción discorre dentro dun taller no que se está a finalizar a construción dun boneco ao que se lle dá vida través da maxia e a tecnoloxía, a partir deste momento haberá unha serie de acontecementos máxicos e divertidos entre o boneco e o seu creador.

Unha escenificación máxica versátil e áxil que transmite habilidade e enxeño, empregando elementos cotiás e tradicionais, como un ovo, unha corda, unha mesa, froitas... elementos que poden emerxer da nada, esvaecerse, levitar ou mudar de forma.

Baixo Cé orquestra pantasma agóchase o vigués César Freiria, músico autodicacta e apaixoado dos instrumentos musicais. Apoiándose na recuperación da figura do home orquestra, Cé orquestra pantasma convértese na fórmula perfecta para escapar do mundo por uns intres, deixándose levar, entregándose por completo á festa, porque iso é o que son os seus espectáculos: unha gran festa chea de forza, ritmo e fantasía na que o público deixa de ser espectador para convertérense en protagonista.

Con letras festivas e coreografías que acompañan os temas, Mamá Cabra promete un concerto ao grande para que os máis pequenos.

Este concerto forma parte da programación do ciclo Cultura no Camiño, coordinado por Turismo de Galicia e pola Consellería de Cultura, Educación e Ordenación Universitaria, como parte da conmemoración do oitavo centenario da peregrinación xacobea de san Francisco de Asís.