A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Un cantante nace ante os espectadores coma se fose arte de maxia. E entón canta unha canción, emocionase e canta ao desamor. No entanto, esquece unha cousa moi importante, unha pequena cousa, e unha luz marcha e todo pasa nun momentiño de nada...
O público asistente poderá ver un espectáculo dobre formado por unha compañía de novo circo (números de acrobacias e/ou aéreos) e outra de clown-malabares que, cun formato de pista de circo, achegaranos o novo circo e a comedia. Dirixido a público de todas as idades, facendo as delicias dos asistentes durante 90 minutos.
A fusión de estilos é a marca que caracteriza a esta formación. Unha xuntanza de cores ben conducida pola súa cantante, Mª Xosé R. Rosales, quen sempre imprime ás melodías o seu carácter persoal. Dende unha base rítmica contemporánea, o grupo reune instrumentos tradicionais con arranxos de todo tipo, para chegar a un son novo, distinto e, sobre todo, identificativo.
Duración: 80 min
Un espectáculo que xira ao redor dunha roda de afiar dos anos 30 herdada polo Mago Teto.
O afiador, un oficio que tivo o seu apoxeo nos séculos XVIII e XIX e prácticamente extinguido no século XX, desprazábase centos ou miles de kilómetros por uns días ou por anos coa única compaña da sua roda.
Miles de historias e aventuras doutros tempos son postas en escena coa axuda do ilusionismo empregando elementos típicos dos afiadores como son coitelos, espadas, tesoiras, navallas e paraugas.
Duración: 55 minutos
A Familia do Pindirico, unha atípica familia circense, embárcase nunha nova aventura, desta volta o Camiño de Santiago, e co seu circo farán un percorrido por todas as vilas do Camiño, non só o francés, senón todos eles.
Iso é que eles pretenden, pero as dificultades comezan pronto... Para ver en que remata hai que ver o Pelegrín Circus.
Público infantil de 4 a 12 anos.
Duración: 70 min
Actuación de maxia do mago Richard que vén acompañada con elementos procedentes doutras artes escénicas. Así, hai unha importante presenza de fondos musicais, interaccións co público e momentos humorísticos, procedentes do mundo clown. Ademais, pódese gozar dunha arte afín á maxia: a globoflexia.
Tusitala contacontos relatan neste divertido espectáculo teatral como chegan os indios a preto de Fisterra. E e as mariscadoras tremen por perder a súa prezada cabeleira, a punta de navalla... ou longueirón.
Adaptación con monicreques dun conto popular galego, que mostra as penurias dunha pobre nena que habita nun precioso castelo nas terras galegas
Aínda que este conto da formación Tarabelos cheira a princesas, Sabela non o é. Espectáculo de monicreques para, que desde ben novos, os cativos aprendan a rachar con estereotipos.
La Burla Negra é un gran barco pirata que leva anos sucando os mares das costas galegas na procura de grandes tesouros.
O persoaxe traerá á memoria un bo feixe de costumes, ditos, xogos, cantigas e outras lerias que farán matinar no moito que cambiaron as cousas ou non...
