Cultura no Camiño

Espectáculo cómico, con incribles acrobacias aéreas, acrobacias de chan, lume malabar, risco, interaccións co público.
Case sen fala, e para todo tipo de público, unión de comedia e circo. Risas, trampas, golpes,maxia e moito máis.

No día do seu aniversario, Carmiña Miudiña inicia unha fantástica viaxe. Carmiña é unha pinga de auga pequerrechiña, moi miudiña, de cor azul pero cun sorriso moi grande. Vive nunha nube gris alá no alto do ceo, nunha casiña en forma de botella de auga con toda a súa familia.
 

"Animagicus" é un espectáculo para público infantil e familiar cheo de emocións, trucos orixinais e modernos, trucos clásicos, bromas, sorpresas, interacción co público, música en directo... monicreques máxicos, máscaras engaioladas, varas sorprendentes, espadas encantadas, cordas tolas, cartas xigantes,...

Carapaus é o nome que reciben os xurelos no sur do país e en Portugal. Cinco músicos formados durante anos na música tradicional, xúntanse para dar forma a este grupo de recente creación o grupo fai soar nos seus concertos múltiples instrumentos (gaitas, acordeón, frautas, zanfona, percusións tradicionais, e sobre todo voces) combinados en diferentes formacións.

Unha aposta pola maxia e a música en directo para levar as ilusións ós diversos espazos escénicos galegos.
Ao Ritmo da Maxia é un espectáculo dinámico e interactivo creado para dar entretemento e diversión a través de varios ámbitos da maxia nun formato orixinal.
Martín Camiña levará a curiosidade, o suspense e a ilusión  cunha ambientación compartida no escenario co grupo Muras Triofunk do músico Álvaro Muras para que o espectador de renda solta á imaxinación e disfrute do mesmo.

O humor e o absurdo son os fíos cos que se forma a trama dun espectáculo de dous atletas, dous cómplices que se compenetran realizando trucos imposibles diante do público. Risco, desastre, sorpresa e surrealismo son palabras que poden aparecer en calquera momento, mais estes dous artistas saben saír co seu talento de calquera situación adversa.

Coa presenza constante da técnica en forma de portés, acrobacias aéreas, malabares imposibles e lume. Sempre en formato de clown, agochados baixo a aparencia de superacróbatas, de grandes magos ou de malabaristas matematicamente perfectos.

Espectáculo de maxia de mediano formato, maxia visual para toda a familia.

A orixinalidade, comedia, e drama xneste espectáculo para facer pasar un anaco dos que non se esquecen.

Efectos de maxia coa mente, con alimentos e mesmo co propio corpo do mago sácanlle un sorriso ó público e demostran que todo é posible.

Esta actuación forma parte de Cultura no Camiño, que leva maxia, teatro, música, danza e novo circo polos concellos onde discorren as rutas xacobeas.

Autoría e adaptación: Laura Sarasola e Juan Rodríguez
Elenco: Suso Jalda e Juan Rodríguez
 
Caramuxo teatro presenta unha adaptación do conto clásico Xan e as fabas máxicas nunha clave máis contemporanea, misturando o teatro de actor e monicreques.
Sinopse: Xan e a súa avoa vivían nunha pequena casa co único que tiñan, unha vella vaca chamada Flora que xa non daba leite. Un día Xan cambiará á súa amiga Flora por unha fabas moi especiais e ahí comezará unha fantástica aventura...

Os mellores solistas da Compañía Lírica de Galicia, acompañados por un piano e, cando proceda, dunha serie de solistas instrumentais (arpa, frauta traveseira, violín, violonchelo) interpretan obras maestras da Lírica, que seguro emocionan ao público máis esixente e non deixan indiferente a ninguén.

Baixo Cé orquestra pantasma agóchase o vigués César Freiria, músico autodicacta e apaixoado dos instrumentos musicais.
Comezou a súa andaina musical aos oito anos dentro da música tradicional e desde aquela non deixou de navegar polos variados estilos da musica popular, chegando a formar parte de grupos tan dispares entre si como A Roda ou banda de punk Oxtiax ke te Pariu.