Cultura no Camiño

Autor: Chévere

Dirección: Xron

Elenco: Mónica García, Patricia de Lorenzo e Arantza Villar

Espectáculo de pasarrúas para todos os públicos.

Sinopse: Nika chega puntual, coma sempre, ao punto de quedada, o sitio onde tiña que estar montada a carpa do Gran Circo Krasnobarak, pero… que acontece? Non hai carpa! Tampouco está Pepo o paiaso, nin os irmáns trapecistas…. non hai ninguén!

Pasado un anaco aparece Igor, o director e domador do circo, e resulta que hai un problema maior: os animais do circo andan perdidos pola cidade!! Haberá que saír a buscalos!

Un espectáculo no que os contos tradicionais galegos cobran vida a través dos títeres e son cantados e contados para que os máis cativos pasen un bo momento aprendendo, escoitando e cantando connosco.

Deixa, ademais, un camiño aberto a que nenas e nenos indaguen nos contos e na cultura a través dos avós, avoas e persoas que tiveron a oportunidade de crecer coa rica tradición oral que hoxe en día se está a perder.

Conta: Vero Rilo

Toca: Carlos Quintá

Creación: Adaptación de contos populares e coñecidos.

Técnica Teatral: Música de Narración Oral.

Duración: 45 minutos.

Público: 6 a 10 anos.

Neste ano 2016 cúmprense os 400 anos da morte de Miguel de Cervantes e Willian Shakespeare o 23 de Abril de 1616. As súas obras son os cimentos da literatura pasada, actual e futura en todo o mundo. As súas escenas, as súas personaxes, os seus estilos seguen presentes no fondo de armario dos libros que se editan hoxe en día.

Neste espectáculo procúrase achegar estas dúas figuras imprescindibles da literatura universal ao lector máis novo,  a través das súas obras e dos seus contextos farase unha emocionante viaxe no tempo ata o Renacemento.

Benvido ó meu máxico mundo.

Acompáñame a coidar o bosque, pero, ¡coidado! a malvada bruxa Contaminación induciravos a tirar lixo por todas partes.

Eu soa non podo ¡pronto atoparei uns aliados moi poderosos!

Así, escoitando os sináis da natureza e mediante xogos e cancións, desvelaremos o enigma dos "Tres Erres".

Axudádeme a conservar o noso preciado planeta e descubrir este mundo de fantasía e bos sentimentos no que querrás quedarte.

¡Adiante

Elenco: Pepablo Patinho, Montse Piñón e Jorge Casas

Ghazafelhos pon á proba os esfínteres familiares coa súa última proposta, onde representan tres historias de terror, misterio e loucura coas que os pais, nais, avos, avoas, etc.. torturaron docemente durante a a infancia.

Un conto interactivo onde se mestura a maxia o circo ou a hipnose...
 

Sinopse: Tres actores do lonxano oriente veñen a contar a historia de Sherezade e de como a o seu enxeño logrou cautivar a un dos Sultáns máis despiadados de toda Persia. Tratátase de... As mil e unha noites!!

A Formación está integrada por reputados músicos cunha extensa carreira noutros grupos e nunha infinidade de orquestras galegas. A experiencia gañada como músicos e interpretes executantes, fai que os temas que interpretan soen o máis parecido aos temas orixinais.

No seu intenso e variado repertorio, pódense atopar temas de todo tipo de xénero e época, acumulando no seu repertorio temas da talla de grupos como Queen, Dire Straits, The Beatles, The Rolling Stones..