A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Xoán Curiel presenta o seu novo disco Magnético Zen. Tamén interpretará temás propios e músicas doutros poetas galegos, portugueses, casteláns e brasileiros. Un concerto para todos os públicos nun formato íntimo.
Este concerto forma parte da pogramación Cultura no Camiño, que leva música, teatro, danza, maxia e novo circo polos concellos onde discorren as rutas xacobeas.
Autor: Jordi Galcerán
Dirección: Xulio Lago
Elenco:
Toño Casais, Artur Trillo, María Ordóñez e Dani Trillo
O método Grönholm é un xogo, si. Un xogo constante entre verdades e mentiras. Tal vez, un xogo un pouco perverso, pois as emocións e os sentimentos das personaxes son manipulados e sacudidos sen pudor nin compaixón algunha. Algo que resulta escandalosamente normal na sociedade contemporánea.
Xoan Curiel presenta un espectáculo, no que as cantigas de Martín Códax, e outras poesías de autores galegos clásicos e contemporáneos, son musicadas e cantadas polo artista, facendo un percorrido dende estas cantigas ata chegar ao cantautor ou trobador contemporáneo.
Este concerto forma parte da programación de Cultura no Camiño que leva música, teatro, maxia, danza e novo circo polos concellos onde discorren as rutas xacobeas.
A miña primeira viaxe é a historia do comezo, do nacemento da vida. Un neno viaxa dentro da súa cápsula por un universo descoñecido. Non sabe cara onde vai, nin quen é. Pero non ten medo se sinte o tum-tum dos motores.
Unha vella maleta transformada nunha caixa de luz, focaliza a mirada do que observa. Unha actriz que conta e canta un relato de procura da propia identidade, e un músico que dialoga coa linguaxe onírica do propio relato; son as pezas fundamentais desta viaxe, da primeira de tódalas viaxes.
Concerto de temas adaptados poloa banda viguesa Weli Kings sobre o cancioneiro popular galego.
Rodesindo da Barrosa, 'gobernador de Ourense', é un afiador que dende o ano 2002 leva percorrendo coa súa roda de afiar teatros, escolas, casas de cultura, feiras etc.
Tondela (Portugal) Madrid, Taramundi, Albacete, Castellón, Oviedo, Paris... son algúns dos lugares polos que andou Rodesindo exercendo o seu oficio. Afiando coitelos, tesioras, navallas... facendo "piercings" anatómicos con arame do Carballiño do sete e colócados en calquer parte do corpo, ....amañando as goteiras dos 'pariaguas'..
O grupo Volando Libre ofrécenos unha excelente panorámica da música para cinema dos séculos XX e XXI. Unha marabillosa oportunidade para gozar coas máis famosas melodías da sétima arte.
Sobre a figura dun adestrador de natación con alumnos infantís, recae a sospeita, manifestada polos pais dos rapaces, de que puidera tratarse dun pederasta.
A sospeita, medra pouco a pouco e alimenta o medo, esa sombra negra que, ao que parece, xa se converteu en presenza inevitable na nosa sociedade.
Un novo concepto de formación en Galicia, estrictamente acústico e baseado na música tradicional.
Neste proxecto únense tres músicos indispensables dentro da escea musical galega, o violino de Quim Farinha , o acordeón diatónico de Pedro Pascual e o contrabaixo de Kin García . Xuntos propoñen unha viaxe a través das músicas populares de Galicia e de outras latitudes.
O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Grupo de recente creación formado por Xiana Lastra (voz), Juan Collazo(percusión) e Roberto Rama (saxo) que sacará á rúa no mes de maio o seu primeiro traballo discográfico: "A lúa prendeu a luz"
Despois de varios anos participando doutros proxectos musicais como Odaiko, Fía na Roca, Os d'Abaixo ou O meu primeiro Celso Emilio e A miña primeira Rosalía, a nosa amizade empurrounos á aventura de tocar os tres xuntos e así naceu Puntada sen fío.
