Cultura no Camiño

Comisa Bal é un novo proxecto músical integrado por Gutier Álvarez (Violín Trompeta) e Javi Sexto (Acordeón).
Música en pequeno formato, a través deste espectáculo faise un percorrido polos ritmos bailables que estiveron presentes nas salas de baile durante a primeira metade do século XX, onde a música acompañaba sutilmente a actividade intelectual e social dos oíntes.

Esta programación pode sufrir modificacións. Confirmar datas e horas nos espazos onde se representa.

VIAXE A DADÁ é un proxecto para bebés de 0 a 3 anos e pais/nais acompañantes, con xogos iniciáticos, cantigas de berce, estimulación sensorial e moito agarimo . 

Dadá é a infancia simbolizada nun cabaliño de madeira. De feito dita expresión, "dadá" (que da orixe tamén á arte dadaísta), provén do 

balbuceo infantil con que as crianzas francesas chaman ao cabaliño de xoguete. 

SINOPSE

Nas súas actuacións están presentes instrumentos unidos á música tradicional galega, mais empregados ao seu xeito. Reinterpretando en certa maneira a tradición, TIRULEQUE recorre á súa intuición musical á hora de arranxar melodías tradicionais e bota man da riqueza de instrumentos que esta música nos ofrece, pero dando un paso mais aló no uso das tonalidades e modos.

Radio Cos, uns pandereteiros que fixeron evolucionar a nosa música naturalmente.

Xurxo Fernández e Quique Peón, cantantes e percusionistas do grupo, son dous referentes no eido da investigación etnográfica en Galiza. Agora preséntannos o seu primeiro disco, música de raíz que mestura a sonoridade máis arcaica con elemntos tírados da propia tradición e melodías alleas que gardan relación  co país.

A Banda confórmana tres prestixiosos músicos: Pedro Lamas na gaita e saxo soprano, Nikolay Velikov no violino e Xan Pampín no acordeón.

Rosalia, Jiñol, o Sr. Bulú e o Policia ven alterada a sua vida pola inesperada chegada dun paquete que contén nada máis y nada menos que ... ¡un cocodrilo!
Este é o principio dunha historia dinámica e divertida, contada con títeres de luva, na que as distintas situacións da obra xiran entorno ao comportamento que os títeres teñen co intruso.
A evolución deste conto desemboca nun inesperado final.

Esta banda de música infantil recolle os clásicos populares galegos dándolle o seu toque particular, dende A Carolina “rapeada” ata O Jato “rockeiro”,…pasando por outros moitos temas tradicionais, todos eles moi dinámicos, facendo que todos os nenos e nenas presentes sexan partícipes deste “des-concerto”, cheo de bailes, xogos, coreografías e algunha que outra sorpresa!

O trío máis retranqueiro da música galega renóvase e preséntanos a súa nova proposta escénica cun repertorio composto exclusivamente por temas dunha única formación da historia de Galicia: Os Trintas de Trives. 

Como xa nos teñen acostumados, Suso Vaamonde, Pedro Lamas e Xosé Lois Romero, ofrécennos a súa particular visión cómica e desprexuizada deste cuarteto, que triunfou hai máis dun século aquí e alén das nosas fronteiras e cuxa traxectoria é un cúmulo de singularidades, anécdotas e vangardismo. O cosmopolitismo na montaña ourensá.

Un muiño móbil e diferentes personaxes saídos do mundo do cabaret (xigantes, bailarinas, malabaristas...) percorrerán e dinamizarán as rúas da vila interactuando con todos os presentes ó ritmo do "French Can Can". Neste espectáculo haberá bailes, temas cantados en directo, malabares...

O trío máis retranqueiro da música galega renóvase e preséntanos a súa nova proposta escénica cun repertorio composto exclusivamente por temas dunha única formación da historia de Galicia: Os Trintas de Trives. 

Como xa nos teñen acostumados, Suso Vaamonde, Pedro Lamas e Xosé Lois Romero, ofrécennos a súa particular visión cómica e desprexuizada deste cuarteto, que triunfou hai máis dun século aquí e alén das nosas fronteiras e cuxa traxectoria é un cúmulo de singularidades, anécdotas e vangardismo. Vaamonde, Lamas & Romero son boa música e mellor humor.

Conta a lenda que cando o ceo está limpo, cando a choiva non molla, e a xente sae á rúa a disfrutar da noite,… uns diabólicos trasnos, meigas, diaños e mortos vivintes, ascenden do mais profundo do inferno para saltar, gritar e queimar a todas as pobres almas que por alí asomen. Din tamén que, ó chegar ó fin da noite, terminan o seu diabólico percorrido queimando e mandando ó infierno ó peor dos pesadelos do pobo"

Neste pasarrúas, diferentes personaxes saídos do infierno, entre eles o fillo  do Demo, percorrerán as principais rúas da cidade ó ritmo que marcan os tambores.