Cultura no Camiño

Culturactiva SCG presenta Sénior, un espectáculo cómico sobre a crise dos 50.

Cos coñecidos e populares actores Luís Iglesia e Marcos Orsi como protagonistas, e dirixida por Avelino González, trátase dunha reflexión en clave de humor sobre a chegada ás portas da terceira idade. Cando se abandona a madurez e se comeza a ser sénior? Estamos realmente aviad@s para os retos e problemas que se nos botan enriba ao cumprir o medio século? E, sobre todo, estamos preparad@s para ser vell@s?

"Somos Encaixe, unha potaxe musical nada das inquietudes e gustos musicais e artísticos de todos os que compoñemos esta formación vocal".
 
Todo esta variedade estilística converxe nunha aposta forte pola música elaborada neste país facendo versións vocais de grupos como Marful, Dhais ou Berrogüetto, aínda que tamén teñen un amplo repertorio de temas coñecidísimos de todos os estilos e todas as épocas.
 

Nesta proposta de rúa, máis informal e sen necesidades técnicas, misturámonos entre o público e movémonos por diferentes lugares mentres cantamos.
 
Somos Encaixe, unha potaxe musical nada das inquietudes e gustos musicais e artísticos de todos os que compoñemos esta formación vocal.
 
Todo esta variedade estilística converxe nunha aposta forte pola música elaborada neste país facendo versións vocais de grupos como Marful, Dhais ou Berrogüetto, aínda que tamén temos un amplo repertorio de temas coñecidísimos de todos os estilos e todas as épocas.
 

Elucubración teatral sobre a figura de Eduardo Pondal e a súa obsesión coa obra que ocupou toda a súa vida como escritor: Os Eoas.

A cabalo entre a realidade ficcionada e a fabulación dramática, o bardo bergantiñán, xa octoxenario e consumido pola neurose dos seus últimos anos, confronta as súas dúbidas, medos e insatisfaccións creativas, tendo por interlocutores un personaxe nacido da súa perturbación e a criada nova da pensión na que está albergado.

En 1961 publicouse en Buenos Aires un dos libros máis sobranceiros da literatura galega. O máis editado, lido e traducido. O que todos lembramos con tenrura. O que todos asociamos con algunha vivencia propia ou herdada. Estamos perante unha importantísima celebración para a cultura galega: O 50 aniversario da 1ª edición das Memorias dun neno labrego 

As melodías máis representativas do Teatro Lírico español  nas voces dun elenco de solistas da Compañía Lírica de Galicia baixo o título Tardes de Zarzuela forman unha montaxe que transita entre o sublime e o máis popular nun repertorio cuidadosamente seleccionado para ofrecer un espectáculo de calidade e á altura do público máis esixente.

Presentamos neste programa o repertorio operístico para soprano máis emblemático. Dúas sopranos profesionais abordarán un programa de gran repertorio, incluíndo obras dos autores máis recoñecidos e mundialmente vixentes e demandados, como Mozart, Verdi, Puccini, Leoncavallo, Bellini, etc en obras tan emblemáticas y coñecidas como Madama Butterfly, As Vodas de Fígaro, Turandot, Norma, Tosca, Carmen, Lakmé entre outras.

Coanhadeira regresa cun novo disco: entraron no estudio de gravación onde gardaron nunha caixiña todas as pequenas e grandes ideas xurdidas ao longo dos últimos cinco anos. Bicos con luvas pretende sumarse en positivo á música feita en Galiza, sen prexuízos e facer bailable calquera lugar; ateigar do poder da percusión, de letras sorprendentes, de atmosferas sutís, de adornos do país e de anacos dos mundos de cada un dos compoñentes da formación e do camiño conxunto ata hoxe de Coanhadeira.

Iria Estévez, unha das cantantes máis valoradas da xeografía galega, presenta o seu traballo en solitario. Tras unha exitosa andadura dirixindo proxectos como Clave de FAdo (seleccionada polo INTERFADO de Cataluña) ou Arifi (gañadores do concurso internacional Castilla Folk) e colaborando con moitos outros, Iria Estévez mostra agora o seu lado máis íntimo con este novo proxecto: Atlántica.

Quimera é un espectáculo inspirado nunha visión máxica da natureza, onde os soños e a mitoloxía se entrelazan.

Calquera ilusión, produto da psique, por improbable que pareza pódese tornar realidade.

Mediante unha linguaxe visual e acrobática esta viaxe fantástica estimula a imaxinación do público ata o final.

Elenco artístico: Tatiana Fontenla García / Iván Couso Campos / Fàtima Carbia Lorenzo / David Burgos Ruibal / Carolina Ramil Sanders /  Felipe Catalán Arufe e Alejandra Balboa Rodriguez