Cultura no Camiño

Lila start é unha artista branca con alma de negra, criada no seo dunha familia de acróbatas de circo clásico, apaixoada da purpurina e obsesiva pola cor morada; que se confesa adicta ás berenxenas e que forma parte do club de fans de Deep Purple, Violeta Parra e, case case, de Pink Floyd.

 Equilibrios imposibles sobre obxectos neste espectáculo para Cultura no Camiño. Confirmar datas e horas nos concellos onde se representa.

Espectáculo de Beatriz Rubio distribuído por Pistacatro Produtora de Soños
 

Marcos Pereiro é todo un camaleon do humor e do audiovisual en Galicia. Presente nunha chea de proxectos relacionados coa escea e a televisión na última década, formou no ano 2000 o dúo cómico Os Dous de Sempre xunto co seu inseparable socio e amigo, Xosé Antonio Touriñán.

 Amigoo é un fragmento nas vidas dun home e unha muller. Un circo entre dous.

Pedacitos de intimidade nunha travesia gestual e musical cara ao máis profundo e sincero de cada un.

Xuntos tecen un mundo irreal de poesia e complicidade nun cego intento de romper co mito da soidade como condición humana neste mundo.

Sandra Iglesias

Carlos Mosquera "Mos"

Jouse García

Xoque Carbajal

Intérprete textos e voz cancións: Helga Méndez

Intérpete textos, voz cancións, guitarra e harmónica: Roger de Flor

Deimi é un mago do Ribeiro que leva anos movendo os seus espectáculos por todo Galicia actuando tanto para público infantil como adulto. Un mago total que ademais de tocar a parte máis divulgativa da profesión, ten unha gran técnica e un interesante repertorio de números: escapismo, a cartomaxia, aparicións, transformacións, aparicións de coello,  maxia con lume, levitacións, mentalismo ....

Maxia moi variada e divertida para o programa Cultura no Camiño.

Benvidos ao primeiro show de maxia onde o público é quen decide o guión do espectáculo. Nada está escrito nesta montaxe que se camufla baixo a parodia dun concurso televisivo onde lle daremos unha volta á maxia, unha volta á nosa ruleta. Así, o azar porá en xogo a sorte do mago. Non haberá preguntas por resolver. Nin segundos que gañar.

CÓDIGO: dise da combinación de letras, números ou caracteres que nos permiten formular e descifrar mensaxes que doutro xeito permanecerían ocultos. O código lingüístico posibilítanos a comunicación coas demais persoas. Pero… Que pasaría se perderamos ese código? Ou se nos atoparamos con persoas que usan outro diferente? Sería posible comunicarnos dalgún xeito?

Espectáculo de maxia de mediano formato, maxia visual para toda a familia.

A orixinalidade, comedia, e drama neste espectáculo para facer pasar un anaco dos que non se esquecen.

Efectos de maxia coa mente, con alimentos e mesmo co propio corpo do mago sácanlle un sorriso ao público e demostran que todo é posible.

Carlos, "o Carlos da Belén" como é coñecido na súa parroquia, é un humilde mago de aldea que vai polas vilas sorprendendo coa súa empatía e o seu sentido do humor. A interacción co público, un ilusionismo sen montaxes espectaculares e grandes doses de retranca son a súa carta de presentación. 

Humor para todos os públicos, e segundo o gusto do consumidor pódese poñer algo de azucre ou algo de pimienta...